Just In
- 1 hr ago சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- 3 hrs ago உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- 4 hrs ago மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- 5 hrs ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
Don't Miss
- Sports ஐதராபாத் ரசிகர்களுக்கு அதிர்ச்சி.. ஹெட், அபிஷேக் சர்மா சோலி முடிஞ்ச்.. நம்ம ஆர்சிபி பவுலிங்கா இது!
- News மற்றொரு "வேங்கைவயல்" சம்பவம்? குடிநீர் தொட்டியில் மாட்டு சாணம்? கந்தவர்கோட்டை அருகே பகீர்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
முகத்துல பிம்பிள் அதிகமா வருதா? அப்ப இந்த ஃபேஸ் பேக்கை அடிக்கடி போடுங்க...
அழகை கெடுத்து, வலியைத் தரும் பிம்பிளைப் போக்க பல நேச்சுரல் ஃபேஸ் பேக்குகள் உள்ளன. இந்த ஃபேஸ் பேக்குகளை அடிக்கடி போட்டு வந்தால், பிம்பிள் பிரச்சனையில் இருந்து விடுபடலாம்.
கொரோனா பரவ ஆரம்பித்த பின் பலரும் அழகு நிலையங்களுக்கு செல்வதையே நிறுத்திவிட்டனர். மாறாக வீட்டிலேயே சமையலறையில் இருக்கும் பொருட்களைக் கொண்டே சருமத்திற்குப் பராமரிப்புக்களையும் மேற்கொண்டு வருகின்றனர். ஒருவரது அழகைக் கெடுக்கும் வகையில் வரக்கூடிய ஒரு சரும பிரச்சனை தான் பிம்பிள். இந்த பிம்பிள் ஒருவருக்கு அதிக மன அழுத்தம், ஹார்மோன் மாற்றங்கள், எண்ணெயில் பொரித்த உணவுகளை அதிகமாக சாப்பிடுவது, எண்ணெய் பசை சருமம் போன்ற பலவற்றால் வரலாம்.
சிலருக்கு பிம்பிளானது கடுமையான வலியை உண்டாக்கக்கூடியதாக இருக்கும். இப்படி அழகை கெடுத்து, வலியைத் தரும் பிம்பிளைப் போக்க பல நேச்சுரல் ஃபேஸ் பேக்குகள் உள்ளன. இந்த ஃபேஸ் பேக்குகளை அடிக்கடி போட்டு வந்தால், பிம்பிள் பிரச்சனையில் இருந்து விடுபடலாம். இப்போது முகத்தில் இருக்கும் பிம்பிளைப் போக்க உதவும் சில எளிமையான ஃபேஸ் பேக்குளைக் காண்போம்.
வேப்பிலை ஃபேஸ் பேக்
வேப்பிலையில் ஆன்டி-பாக்டீரியல் மற்றும் பூஞ்சை எதிர்ப்பு பண்புகள் உள்ளன. இவை இரண்டுமே பிம்பிளை சரிசெய்ய தேவையாவை ஆகும். அதற்கு சிறிது வேப்பிலை பொடி அல்லது நற்பதமான வேப்பிலையுடன், ரோஸ் வாட்டர், தயிர், எலுமிச்சை சாறு, தேன், க்ரீன் டீ இவற்றில் ஏதேனும் ஒன்றை சேர்த்து பேஸ்ட் செய்து, முகத்தில் தடவி, 20 நிமிடம் ஊற வைத்து கழுவ வேண்டும்.
ரோஸ் வாட்டர் மற்றும் முல்தானி மெட்டி
முல்தானி மெட்டி பொடியை ரோஸ் வாட்டருடன் சேர்த்தும் பயன்படுத்தலாம். அதுவும் ஒரு டீஸ்பூன் முல்தானி மெட்டி பொடியை ரோஸ் வாட்டர் சேர்த்து பேஸ்ட் செய்து, முகம் முழுவதும் தடவி நன்கு காய வைக்க வேண்டும். பின் குளிர்ந்த நீரால் முகத்தைக் கழுவ வேண்டும். இப்படி அடிக்கடி ஃபேஸ் பேக் போட்டு வந்தால், பிம்பிள் வருவதை தடுத்திடலாம்.
மஞ்சள் ஃபேஸ் பேக்
மஞ்சள் சருமத்தில் மாயங்களைப் புரியக்கூடியவை. அத்தகைய மஞ்சள் தூளை தயிர் அல்லது நீர் சேர்த்து பேஸ்ட் செய்து, முகத்தில் தடவி நன்கு காய வைக்க வேண்டும். பின் குளிர்ந்த நீரால் முகத்தைக் கழுவ வேண்டும். இதனால் முகத்தில் உள்ள அழுக்குகள் முற்றிலும் நீங்கி, முகம் பொலிவோடும் சுத்தமாகவும் காணப்படும்.
தயிர் மற்றும் முல்தானி மெட்டி
முல்தானி மெட்டி ஒரு வகையான களிமண். இதில் பல்வேறு நன்மைகள் நிறைந்துள்ளன. குறிப்பாக இது பிம்பிளைப் போக்க வல்லது. அதற்கு சிறிது முல்தானி மெட்டி பொடியை ஒரு பௌலில் எடுத்து, தயிர் சேர்த்து பேஸ்ட் செய்து கொள்ள வேண்டும். ன் அதை முகத்தில் தடவி நன்கு காய்ந்த பின் குளிர்ந்த நீரால் கழுவ வேண்டும். இதனால் பிம்பிள் விரைவில் மறைவதோடு, சரும நிறமும் மேம்பட்டு காணப்படும்.
பேக்கிங் சோடா மற்றும் முட்டை வெள்ளைக்கரு
பேக்கிங் சோடா மற்றும் முட்டை வெள்ளைக்கரு இரண்டுமே எண்ணெய் பசை சருமத்தினருக்கும், முகப்பரு அதிகம் வருபவர்களும் ஏற்ற பொருட்கள். இரண்டுமே சருமத்துளைகளை சுருக்கும் பண்புகளைக் கொண்டவை. அதற்கு முட்டையின் வெள்ளைக்கருவுடன் சிறிது பேக்கிங் சோடா சேர்த்து கலந்து, முகத்தில் தடவி நன்கு காய்ந்த பின் குளிர்ந்த நீரால் முகத்தைக் கழுவ வேண்டும். அதில் பேக்கிங் சோடா பிம்பிளைப் போக்கும் மற்றும் முட்டையின் வெள்ளைக்கரு கரும்புள்ளிகள், வெள்ளைப் புள்ளிகளைப் போக்கும்.
எலுமிச்சை சாறு மற்றும் தேன்
இது மிகவும் ஈஸியான மற்றும் சிறப்பான பிம்பிளைப் போக்கும் ஃபேஸ் பேக். அதற்கு 2 டீஸ்பூன் எலுமிச்சை சாற்றில், 1 டீஸ்பூன் தேன் சேர்த்து கலந்து கொள்ள வேண்டும். பின் முகத்தை நீரால் கழுவி துடைத்துவிட்டு, பின் தயாரித்து வைத்துள்ள கலவையை முகத்தில் தடவி 5-10 நிமிடம் ஊற வைத்து கழுவ வேண்டும். இதனால் இதில் உள்ள எலுமிச்சை பிம்பிளை சுருங்கச் செய்யும். அதே சமயம் தேன் சருமத்திற்கு ஊட்டமளித்து, பிம்பிளால் ஏற்படும் தழும்புகளைப் போக்கும்.
ஆப்பிள் சீடர் வினிகர்
ஆப்பிள் சீடர் வினிகர் பிம்பிளை மாயமாய் மறையச் செய்யக்கூடியவை. அதற்கு சிறிது ஆப்பிள் சீடர் வினிகரை சரிசம அளவில் நீருடன் கலந்து, பிம்பிள் உள்ள இடத்தில் தடவி காய வைக்க வேண்டும். சிறப்பான பலனைப் பெற நினைப்பவர்கள், ஆப்பிள் சீடர் வினிகருடன் முல்தானி மெட்டி, மஞ்சள் தூள் அல்லது வேப்பிலை பொடி என ஏதாவது ஒன்றை சேர்த்து பயன்படுத்தலாம்.