39 வயசாகியும் கரீனா கபூர் அழகாக ஜொலிப்பதன் பின்னணியில் உள்ள ரகசியம் இதுதாங்க...

தண்ணீர்

பாலிவுட் நடிகைகள் அனைவரும் தவறாமல் பின்பற்றும் ஓர் செயல் தான் நீரை அதிகம் குடிப்பது. கரீனாவும் தினமும் குறைந்தது 4-6 பாட்டில் நீரைக் குடிப்பாராம். அதுவும் இவர் மினரல் வாட்டரைக் குடிக்கமாட்டார், சாதாரண நீரைத் தான் குடிப்பாராம். சொல்லப்போனால், அவரது சரும அழகிற்கும், தலைமுடியின் ஆரோக்கியத்திற்கும் காரணமே அந்த சாதாரண நீர் தானாம்.

மாய்ஸ்சுரைசர்

நீர் உடலின் உட்பகுதியை வறட்சி அடையாமல் தடுக்கும். அதே சமயம் சருமத்தின் வெளிப்பகுதியை நல்ல மாய்ஸ்சுரைசர் வறட்சி அடையாமல் தடுக்கும். கரீனா கபூர் ஒரு நாளைக்கு குறைந்தது இரண்டு முறை மாய்ஸ்சுரைசரைப் பயன்படுத்துவாராம். இவர் எங்கு சென்றாலும், தனது கைப்பையில் எப்போதுமே ஒரு மாய்ஸ்சுரைசரை வைத்திருப்பாராம்.

பாதாம் எண்ணெய்

கரீனா கபூரின் ஆரோக்கியமான சருமத்திற்கு முக்கிய காரணம் பாதாம் எண்ணெய். எப்போதெல்லாம் நேரம் கிடைக்கிறதோடு, அப்போதெல்லாம் பாதாம் எண்ணெய் கொண்டு தனது சருமம் மற்றும் முடிக்கு மசாஜ் செய்வாராம். இந்த பழக்கம் அவரது அம்மா மற்றும் பாட்டியிடம் இருந்து வந்ததாகவும் தெரிவித்துள்ளார்.

தேன் மசாஜ்

தேனில் ஆன்டி-பாக்டீரியல் பண்புகள் இருப்பது அனைவருக்குமே தெரியும். ஆனால் கரீனாவைப் போன்று யாரும் தேனை சருமத்திற்கு பயன்படுத்தமாட்டார்கள். இவர் தினமும் தேனைக் கொண்டு சருமம் முழுவதும் தடவி மசாஜ் செய்வாராம். இதனால் தான் மேக்கப் போடாமலும் இவர் அழகாக தெரிவதாகவும் கூறுகிறார்.

நேச்சுரல் ஃபேஸ் பேக்

கரீனா கபூர் இயற்கை பொருட்களை மட்டுமே தங்களது சருமத்திற்கு பயன்படுத்துவாராம். கெமிக்கல் கலந்த பொருட்களால் சருமத்திற்கு எவ்வித பராமரிப்புக்களையும் கொடுக்கமாட்டாராம். அதிலும் இவர் முகத்திற்கு மூலிகைப் பொருட்களைக் கொண்டு தான் ஃபேஸ் பேக் போடுவாராம். இவர் ஃபேஸ் கிளின்சராக தயிர் மற்றும் பாதாம் எண்ணெயை ஒன்றாக கலந்து பயன்படுத்துவாராம். தயிரில் இயற்கையாகவே ப்ளீச்சிங் தன்மை உள்ளதால், சருமத்தில் உள்ள இறந்த செல்களை முழுமையாக நீக்கிவிடும்.

உடற்பயிற்சி

கரீனா கபூர் பிரசவத்திற்கு பின் எடையைக் குறைக்க மேற்கொண்ட பயணம் மிகவும் சுவாரஸ்யமாக இருக்கும். ஏனெனில் இவர் தனது பழைய உடலமைப்பைப் பெறுவதற்கு மிகவும் கஷ்டப்பட்டுள்ளார். கரீனா கபூர் தனது உடலை ஃபிட்டாக வைத்துக் கொள்வதற்கும், ஆரோக்கியமான மற்றும் அழகான சருமத்தைப் பெறுவதற்கும் காரணமாக இருந்தது உடற்பயிற்சி என்று நம்புகிறார். மேலும் இவர் எப்போதுமே தனது உடற்பயிற்சியை செய்யும் பழக்கத்தை கைவிட்டதே இல்லையாம்.

கரீனாவின் சரும பராமரிப்பில் இருந்து பின்பற்ற வேண்டியவைகள்:

* தினமும் குறைந்தது 6-8 டம்ளர் நீரைக் குடிக்க வேண்டும்.

* குறைந்த அளவில் மேக்கப் போடுவதோடு, தூங்குவதற்கு முன் மேக்கப் முழுவதையும் நீக்க மறக்க வேண்டாம்.

* சருமத்தைப் பராமரிக்க ஹெர்பல் பொருட்களை மட்டும் பயன்படுத்தவும்.

* சருமத்திற்கு கெமிக்கல் கலந்த பொருட்களைப் பயன்படுத்த வேண்டாம். மாறாக நேச்சுரல் ஃபேஸ் பேக் அல்லது மாஸ்க் பயன்படுத்தவும்.