உங்க முகம் பொலிவிழந்து கருப்பா இருக்கா? அப்ப இந்த ஃபேஸ் பேக்கை நைட் டைம்-ல போடுங்க...

ஃபேஸ் பேக் #1

உங்களுக்கு எண்ணெய் பசை சருமமா? அப்படியானால் ஒரு பௌலில் கடலை மாவை சிறிது எடுத்து, அத்துடன் தயிர் மற்றும் எலுமிச்சை சாற்றினை சேர்த்து கலந்து, முகத்தில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும். இதனால் எலுமிச்சையில் இருக்கும் ப்ளீச்சிங் பண்புகள், சருமத்தில் உள்ள அழுக்கை வெளியேற்றி, சருமத்தின் நிறத்தை மேம்பத்தும். மறுபுறம் தயிர் சருமத்தை ஈரப்படத்துடன் வைத்துக் கொள்ளும்.

ஃபேஸ் பேக் #2

பாதாம் பவுடர் சருமத்தின் நிறத்தை மேம்படுத்த பெரிதும் உதவி புரியும். அந்த பாதாம் பவுடரை பால் சேர்த்து பேஸ்ட் செய்து பயன்படுத்த, சரும நிறம் மேம்படும். அதற்கு 5 பாதாமை அரைத்து பொடி செய்து, பால் சேர்த்து பேஸ்ட் செய்து, முகத்தில் தடவி நன்கு காய்ந்ததும், முகத்தை குளிர்ந்த நீரால் கழுவ வேண்டும். இப்படி தினமும் இரவு செய்து வந்தால், முகம் எப்போதும் பளிச்சென்று பிரகாசமாக இருக்கும்.

ஃபேஸ் பேக் #3

சரும ஆரோக்கியத்தையும் அழகையும் மேம்படுத்தும் ஒரு அற்புதமான பழம் தான் பப்பாளி. மேலும் இது விலைக் குறைவில் கிடைக்கக்கூடிய பழமும் கூட. இந்த பப்பாளியில் உள்ள பாப்பைன் என்னும் பொருள் சருமத்துளைகளில் உள்ள அழுக்கை முழுமையாக வெளியேற்றும். அதோடு, எலுமிச்சையில் உள்ள ப்ளீச்சிங் பண்புகள், சரும கருமையைப் போக்கும். அதற்கு நன்கு மசித்த பப்பாளியுடன் சிறிது எலுமிச்சை சாற்றினை சேர்த்து கலந்து, முகத்தில் தடவி 15-20 நிமிடம் ஊற வைத்து, பின் குளிர்ந்த நீரால் கழுவ வேண்டும்.

ஃபேஸ் பேக் #4

பழங்காலம் முதலாக சரும அழகைப் பராமரிக்க பயன்படுத்தப்பட்டு வரும் பொருள் தான் சந்தனம். இந்த சந்தனம் சருமத்தில் உள்ள இறந்த செல்களை நீக்கி, சருமத்திற்கு பொலிவைத் தருகிறது. இந்த சந்தனத்தின் பொடியை ரோஸ் வாட்டர் சேர்த்து கலந்து பேஸட் செய்து, முகத்தில் தடவி நன்கு காய்ந்ததும், குளிர்ந்த நீரால் முகத்தைக் கழுவ வேண்டும். இந்த ஃபேஸ் பேக்கை வாரத்திற்கு 2 முறை பயன்படுத்த நல்ல பலன் கிடைக்கும்.

ஃபேஸ் பேக் #5

சமையலறையில் உள்ள சரும நிறத்தை அதிகரிக்க உதவும் மற்றொரு பொருள் தான் தக்காளி. தக்காளியில் உள்ள அமிலம் சருமத்தில் உள்ள இறந்த செல்கள் மற்றும் அழுக்குகளை நீக்கி, சருமத்திற்கு உடனடி பொலிவைத் தரும். அதற்கு ஒரு தக்காளி துண்டை எடுத்து, முகத்தில் சிறிது நேரம் மென்மையாக ஸ்கரப் செய்து, 10 நிமிடம் ஊற வைத்து, பின் குளிர்ந்த நீரால் கழுவ வேண்டும்.