உதட்டில் உள்ள கருமையைப் போக்கி, பிங்க் நிறத்தில் மாற்ற வேண்டுமா? அப்ப இத செய்யுங்க...

பீட்ரூட் லிப் பாம்

தேவையான பொருட்கள்:

இயற்கையான பீட்ரூட் லிப் பாம் தயாரிக்கத் தேவையான பொருட்களாவன:

* பீட்ரூட்

* மிக்ஸி

* தேங்காய் எண்ணெய்

* வடிகட்டி

* சிறிய லிப் பாம் கண்டெய்னர்

செய்முறை:

* பீட்ரூட்டின் தோலை நீக்கிவிட்டு சிறு துண்டுகளாக்கிக் கொள்ள வேண்டும். பின் அதை மிக்ஸியில் போட்டு நீர் சேர்க்காமல் அரைத்து, வடிகட்டிக் கொள்ள வேண்டும்.

* பின் அந்த சாற்றினை சுத்தமான சிறிய லிப் பாம் கண்டெய்னரில் ஊற்றிக் கொள்ள வேண்டும்.

* பின்பு அதில் குறைந்தது 1 டீஸ்பூன் அளவில் தேங்காய் எண்ணெய் சேர்த்துக் கொள்ள வேண்டும். ஒரு வேளை நீங்கள் 1 டீஸ்பூனுக்கும் குறைவான அளவில் தேங்காய் எண்ணெய் சேர்த்தால், உதடு அதிகமாக வறட்சி அடையும்.

* வேண்டுமானால், இதில் தேங்காய் எண்ணெய்க்கு பதிலாக, தேன் அல்லது தேன்மெழுகு சேர்த்துக் கொள்ளலாம்.

* பிறகு இந்த கலவையை சுத்தமான ஸ்பூன் அல்லது டூத் பிக் கொண்டு கலந்து, ஃப்ரிட்ஜில் கெட்டியாகும் வரை வைத்து எடுக்க வேண்டும்.

* இப்போது நேச்சுரல் பீட்ரூட் லிப் பாம் தயார்! இந்த லிப் பாம்மை ஒரு நாளைக்கு எவ்வளவு முறை வேண்டுமானாலும் பயன்படுத்தலாம்.

உதட்டின் கருமையைப் போக்கி, உதட்டை பிங்க் நிறத்தில் மாற்ற பீட்ரூட்டை வேறு எப்படியெல்லாம் பயன்படுத்தலாம் என்பதை இப்போது காண்போம்.

பீட்ரூட் ஜூஸ் மற்றும் மில்க் க்ரீம்

ஒரு பௌலில் 1 டீஸ்பூன் பீட்ரூட் ஜூஸ் மற்றும் 1 டீஸ்பூன் மில்க் க்ரீம் எடுத்து ஒன்றாக கலந்து கொள்ள வேண்டும். பின் அதை உதட்டின் மீது தடவி, 2-3 நிமிடம் ஊற வைத்து கழுவலாம் அல்லது இரவு முழுவதும் ஊற வைத்து, மறுநாள் காலையிலும் கழுவலாம். இப்படி தினமும் இந்த கலவையை உதட்டில் பயன்படுத்தி வந்தால், உதடுகள் மென்மையாக இருப்பதோடு, கருமை நீங்கி, பிங்க் நிறத்திலும் மாறும்.

பீட்ரூட் மற்றும் தேன்

1 டீஸ்பூன் துருவிய பீட்ரூட் மற்றும் 1/2 டீஸ்பூன் தேனை ஒன்றாக மசித்து, உதட்டின் மீது தடவ வேண்டும். பின் இந்த கலவையை உதட்டில் சிறிது நேரம் தேய்த்து, மறுநாள் காலையில் கழுவ வேண்டும். இப்படி ஒரு வாரம் தொடர்ந்து செய்து வந்தால், உதடு பிங்க் நிறத்தில் மாறுவதை நன்கு காணலாம்.

புதினா, பீட்ரூட் ஜூஸ் மற்றும் பாதாம் எண்ணெய்

இந்த முறையினால் உதடுகளில் உள்ள எப்பேற்பட்ட பிரச்சனைகளும் நீங்கி, உதடுகள் மென்மையாகவும், பிங்க் நிறத்திலும் இருக்கும். இந்த செயலுக்கு பீட்ரூட் ஜூஸ் மற்றும் புதினா சாற்றினை சரிசம அளவில் ஒன்றாக கலந்து கொள்ள வேண்டும். பின் அதில் சில துளிகள் பாதாம் எண்ணெய் சேர்த்துக் கொள்ள வேண்டும். பின்பு காட்டன் பயன்படுத்தி, இந்த கலவையை உதட்டின் மீது தடவ வேண்டும். இப்படி ஒரு நாளைக்கு இரண்டு முறை என தினமும் தொடர்ந்து செய்து வந்தால், ஒரு நல்ல மாற்றத்தை விரைவில் காண முடியும்.

பீட்ரூட், ஆலிவ் ஆயில் மற்றும் உப்பு இல்லாத வெண்ணெய்

ஒரு டீஸ்பூன் பீட்ரூட் ஜூஸ் உடன் 1 டீஸ்பூன் உப்பு இல்லாத வெண்ணெய் மற்றும் ஆலிவ் ஆயில் சேர்த்து கலந்து கொள்ள வேண்டும். பின் அதில் சில துளிகள் ரோஸ் வாட்டர் சேர்த்து கலந்து கொள்ள வேண்டும். இந்த கலவையை ஈரமான உதட்டின் மீது தடவி, இரவு முழுவதும் ஊற வைக்க வேண்டும். மறுநாள் காலையில் உதடுகளை குளிர்ந்த நீரால் கழுவ வேண்டும். இப்படி தினமும் என ஒன்று முதல் இரண்டு வாரம் தொடர்ந்து செய்து வந்தால், உதடுகள் பிங்க் நிறத்தில் மாறி இருப்பதைக் காணலாம். மேலும் இந்த செயலை செய்வதால், எப்போதும் உதடுகள் மென்மையாகவும், வறட்சியடையாமலும் அழகாக இருக்கும்.

பீட்ரூட் ஜூஸ், எலுமிச்சை ஜூஸ் மற்றும் சர்க்கரை

ஒரு டீஸ்பூன் எலுமிச்சை ஜூஸ், ஒரு டீஸ்பூன் பீட்ரூட் ஜூஸ் மற்றும் சர்க்கரை ஆகியவற்றை ஒரு பௌலில் எடுத்து ஒன்றாக கலந்து கொள்ள வேண்டும். பிறகு அந்த கலவையை உதட்டின் மீது தடவி, 2 நிமிடம் கழித்து, மீண்டும் 10 நிமிடம் ஊற வையுங்கள். பின்பு குளிர்ந்த நீரால் உதடுகளைக் கழுவுங்கள். இந்த முறையால் உதட்டில் உள்ள இறந்த செல்கள் நீங்கி, உதடுகள் பிங்க் நிறத்தில் ஜொலிக்கும்.