மூக்குக்கு மேல வெள்ளையா, சொரசொரன்னு அசிங்கமா இருக்கா? இத ட்ரை பண்ணுங்க...

வெந்தயம்

ஒரு கையளவு வெந்தயத்தை எடுத்துக் கொண்டு, அதில் தண்ணீர் ஊற்றி கெட்டியான பேஸ்ட் போல் அரைத்து, பின் அதனை முகத்தில் தடவி 15-20 நிமிடம் ஊற வைத்து, வெதுவெதுப்பான நீரில் கழுவினால், வெள்ளைப் புள்ளிகள் மாயமாக மறைந்துவிடும்.

சோளம்

வெள்ளைப் புள்ளிகளை போக்குவதில் சோளம் மிகச்சிறந்தது. அதற்கு சோளத்தை வினிகர் சேர்த்து அரைத்து, அதனை முகத்தில் தடவி 15 நிமிடம் ஊற வைத்து, வெதுவெதுப்பான நீரினால் மசாஜ் செய்தவாறு கழுவ வேண்டும்.

சர்க்கரை-தேன் ஸ்கரப்

வெள்ளைப் புள்ளிகளைப் போக்குவதில் சர்க்கரை மற்றும் தேனை விட சிறந்த பொருள் எதுவும் இருக்க முடியாது. எனவே தேனில் சிறிது சர்க்கரை சேர்த்து, அந்த கலவையைக் கொண்டு முகத்தை சிறிது நேரம் மசாஜ் செய்து, பின் சாதாரண நீரில் கழுவ வேண்டும். இதனால் வெள்ளைப் புள்ளிகள் சீக்கிரம் போய்விடும்.

நாட்டுச்சர்க்கரை மற்றும் ஆலிவ் ஆயில்

நாட்டுச்சர்க்கரையில் ஆலிவ் ஆயில் சேர்த்து கலந்து, அதனைக் கொண்டு முகத்தை 10 நிமிடம் மசாஜ் செய்து, வெதுவெதுப்பான நீரில் கழுவ வேண்டும்.

கடலை மாவு ஸ்கரப்

ஒரு டேபிள் ஸ்பூன் கடலைப் பருப்பை மென்மையாக அரைக்காமல் ஓரளவு அரைத்து, பின் அதில் 1 டேபிள் ஸ்பூன் பால் மற்றும் 1 டேபிள் ஸ்பூன் ரோஸ் வாட்டர் சேர்த்து கலந்து, முகத்தில் தடவி 20 நிமிடம் ஊற வைத்து, வெதுவெதுப்பான நீரில் அலச வேண்டும். இதனாலும் வெள்ளைப் புள்ளியில் இருந்து விடுபடலாம்.

சந்தனப் பொடி

1 டேபிள் ஸ்பூன் சந்தனப் பொடியில், 1 டேபிள் ஸ்பூன் எலுமிச்சை சாறு, 2 டேபிள் ஸ்பூன் ரோஸ் வாட்டர் மற்றும் 1 சிட்டிகை மஞ்சள் தூள் சேர்த்து, கெட்டியான பேஸ்ட் போல் கலந்து, பின் முகத்தில் தடவி 15 நிமிடம் ஸ்கரப் செய்து கழுவினால், வெள்ளைப் புள்ளிகள் போய்விடும்.

பாதாம் மற்றும் பால் ஸ்கரப்

இரவில் படுக்கும் போது 5-6 பாதாமை 2 டேபிள் ஸ்பூன் பாலில் ஊற வைத்து, பின் அதனை காலையில் எழுந்து அரைத்து, முகத்தில் தடவி சிறிது நேரம் மசாஜ் செய்து கழுவ வேண்டும். இந்த முறையை தினமும் செய்து வந்தால், வெள்ளைப் புள்ளிகள் நீங்குவதோடு, சருமமும் பொலிவோடு இருக்கும்.