உதடுகளில் ஏற்படும் வறட்சியைத் தடுக்கும் நேச்சுரல் லிப் பாம்கள்!!!

தேங்காய் எண்ணெய் அல்லது பால்

உதடு வறட்சியைப் போக்குவதற்கு தேங்காய் எண்ணெய் அல்லது பாலை உதடுகளில் தடவிக் கொண்டால், வறட்சி நீங்குவதோடு, உதடுகளும் மென்மையாக இருக்கும்.

கிளிசரின்

கடைகளில் விற்கப்படும் லிப் பாம்கள் கிளிசரின் கொண்டு தான் தயாரிக்கப்படுகிறது. ஆகவே அத்தகைய கிளிசரினை நேரடியாக உதடுகளில் தடவினால், உதட்டு வறட்சி தடுக்கப்படுவதோடு, உதடுகளும் பிங்க் நிறத்தில் மாறும்.

ஆலிவ் ஆயில்

ஆலிவ் ஆயிலைக் கொண்டு முகம் மற்றும் உதடுகளுக்கு தடவி சிறிது நேரம் மசாஜ் செய்து வந்தால், சருமம் மற்றும் உதடுகளில் ஏற்படும் வறட்சி நீங்கும். மேலும் உதடுகளும் மென்மையாக இருக்கும்.

தேன்

தேனை எலுமிச்சை சாற்றுடன் கலந்து முகத்தை ஸ்கரப் செய்தால், சருமத்தில் உள்ள இறந்த செல்கள் நீங்கி, முகம் பொலிவோடு இருக்கும். மேலும் அந்த தேனைக் கொண்டு வறட்சி ஏற்படும் உதடுகளை மசாஜ் செய்தால், உதடுகள் வறட்சி அடையாமல் இருக்கும்.

வெண்ணெய்

உதடு வறட்சிக்கு ஒரு சிறந்த இயற்கையான லிப் பாம் என்றால் அது வெண்ணெய். அதற்கு தினமும் படுக்கும் முன், வெண்ணெய் கொண்டு மசாஜ் செய்து வாருங்கள்.

நெய்

நெய் கூட உதடுகளில் ஏற்படும் வறட்சியைத் தடுக்கும் சக்தி கொண்டவை. அதுமட்டுமல்லாமல், நெய்யைக் கொண்டு உதடுகளைப் பராமரித்தால், உதடுகள் மென்மையடைவதோடு, உதடுகளின் நிறமும் அதிகரிக்கும்.

மில்க் க்ரீம்

மில்க் க்ரீம்மை உதடுகளில் தடவி வந்தால், உதட்டு வறட்சி நீங்கி, உடுகள் மென்மையாகும்.