சருமத்தை பொலிவாக்கும் உடல் பாலீஸ்!

Skin Care

oi-Jaya

By Mayura Akilan

Published: Thursday, March 15, 2012, 12:11 [IST]

மணப்பெண்களின் உடலை பொலிவாக்குவதற்கு இன்றைக்கு உடல் பாலீஸ் பரிந்துரைக்கப்படுகிறது. முகத்திற்கு பேஷியல் செய்வதைப்போல உடலுக்கு பாலீஸ் செய்யப்படுகிறது. இது சருமத்திற்கு பொலிவு தரக்கூடியது என்று அழகியல் நிபுணர்கள் கூறியுள்ளனர்.

உடலை பாலீஸ் செய்வதற்கென சில அழகு நிலையங்கள் உள்ளன. அங்கு வழங்கப்படும் ஆடைகளை உடுத்திக்கொண்டு முதலில் பாலீஸ் செய்ய தயாராகவேண்டும். அதற்கென உள்ள பிரத்யேக குளியல் அறையில் இந்த பாலீஸ் செய்யப்படுகிறது.

சானா பாத்

உடல் பாலீஸ் செய்வதற்கு முன்னதாக நீராவி குளியல் எடுக்கச்செய்கின்றனர். இதனால் சருமம் ரிலாக்ஸ் ஆகிறது.

உப்பு பாலீஸ்

சருமத்தை பாலீஸ் செய்ய பல வித பொருட்கள் உபயோகப்படுத்தப்பட்டாலும் அதில் உப்பு முக்கிய பங்கு வகிக்கிறது. உப்பு கொண்டு உடலில் தேய்ப்பதன் மூலம் இறந்த செல்கள் நீக்கப்படுகின்றன. இதனால் சருமம் இளமையோடு பொலிவடைகிறது.

சாக்லேட், காஃபி, பழங்கள்

நாம் அன்றாடம் சாப்பிடும் டாக் சாக்லேட், காஃபி, பழங்களும் கூட உடலை பாலீஸ் செய்ய பயன்படுத்தப்படுகின்றன. நாம் எதைத் தேர்ந்தெடுக்கிறோமோ அதை உபயோகித்து பாலீஸ் செய்கின்றனர். இதனால் சருமம் மென்மையும், பொலிவும் அடைகிறது.

வறண்ட சருமத்தினருக்கு அரோமேட்டிக் ஆயில், கிரீம் உபயோகித்து பாலீஸ் செய்யப்படுகிறது. இதனால் சருமத்திற்கு வழு வழு தன்மை கிடைக்கிறது. இந்த கிரீமை பத்து நிமிடம் ஊறவைத்து பின்னர் கழுவி விடலாம்.

சருமம் பொலிவாகும்

பாடி பாலீஸ் செய்த உடன் சோப், ஜெல் எதுவும் உபயோகிக்காமல் குளிப்பது ஆரோக்கியமானது என்கின்றனர் அழகியல் நிபுணர்கள். குளித்து முடித்த உடன் மென்மையான டவல் கொண்டு உடலை ஒற்றி எடுக்க வேண்டும் என்றும் அறிவுறுத்தியுள்ளனர்.

உடல் பாலீஸ் செய்வதற்கு கொடுக்கப்படும் விலை அதிகமானதுதான் இதனை அடிக்கடி செய்ய முடியாது. ஆண்டிற்கு ஒருமுறையாவது செய்து கொள்வதன் மூலம் மன இறுக்கம், உளைச்சல் நீங்கும் என்றும் அழகியல் நிபுணர்கள் கூறியுள்ளனர். மணப்பெண்கள் திருமணத்திற்கு சில நாட்களுக்கு முன்பு செய்து கொள்வது சருமத்தை பொலிவடையச் செய்யும் என்றும் அழகியல் நிபுணர்கள் கூறியுள்ளனர்.