நீண்ட நாள் இளமையா காட்சியளிக்கணுமா? இந்த ஃபேஸ் பேக்குகளை அடிக்கடி போடுங்க...

Skin Care Tips In Tamil: பொதுவாக வயது அதிகரிக்கும் போது, சருமத்தில் கொலாஜன் உற்பத்தி குறைந்து, சருமம் தளர்ந்து சுருக்கங்கள் வரத் தொடங்கும். இது தவிர சருமமானது போதுமான நீர்ச்சத்துடனும், ஊட்டச்சத்துக்கள் கிடைக்காமல் இருந்தால் சருமத்தில் முதுமைக்கான அறிகுறிகள் தெரிய தொடங்கும். உங்கள் முகத்திலும் இப்படி சுருக்கங்கள் வருவதைக் காண்கிறீர்களா? அப்படியானால் உங்கள் சருமத்திற்கு உடனே பராமரிப்பு கொடுக்கத் தொடங்குங்கள்.

அதுவும் சருமத்தை இறுக்கமடையச் செய்து, முதுமை அறிகுறிகளைப் போக்கும் ஒருசில பொருட்களைக் கொண்டு ஃபேஸ் பேக் போட்டு வந்தால், நீண்ட காலம் இளமையாக காட்சியளிக்கலாம். கீழே சருமத்தில் உள்ள சுருக்கங்களைப் போக்கி நீண்ட காலம் இளமையுடன் வைத்துக் கொள்ள உதவும் சில ஃபேஸ் பேக்குகள் கொடுக்கப்பட்டுள்ளன. இந்த ஃபேஸ் பேக்குகளை பயன்படுத்தி வர, சருமத்தை இளமையாக வைத்துக் கொள்ளலாம்.

1. பப்பாளி ஃபேஸ் பேக்

* இந்த ஃபேஸ் பேக்கிற்கு சிறிது பப்பாளியை எடுத்து நன்கு அரைத்துக் கொள்ள வேண்டும்.
* பின் அத்துடன் 1 டேபிள் ஸ்பூன் தேன் மற்றும் எலுமிச்சை சாற்றினை சேர்த்து கலந்து கொள்ள வேண்டும்.
* பின்பு அதை முகத்தில் தடவி, சிறிது நேரம் மசாஜ் செய்து, 30 நிமிடம் ஊற வைக்க வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.

2. முட்டை வெள்ளைக்கரு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் முட்டையின் வெள்ளைக்கருவை எடுத்து நன்கு அடித்துக் கொள்ள வேண்டும்.
* பின் அத்துடன் 1 டேபிள் ஸ்பூன் தேன் மற்றும் 1 டேபிள் ஸ்பூன் எலுமிச்சை சாறு சேர்த்து கலந்து கொள்ள வேண்டும்.
* பின்பு அதை முகத்தில் தடவி 2 நிமிடம் மசாஜ் செய்ய வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

3. கற்றாழை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் முட்டையின் வெள்ளைக்கருவை எடுத்து நன்கு அடித்துக் கொள்ள வேண்டும்.
* பின்பு அதில் 1 டேபிள் ஸ்பூன் கற்றாழை ஜெல்லை சேர்த்து கலந்து கொள்ள வேண்டும்.
* பிறகு அதை முகம் மற்றும் கழுத்தில் தடவி நன்கு காய வைக்க வேண்டும்.
* அதன் பின் வெதுவெதுப்பான நீரால் முகத்தைக் கழுவ வேண்டும்.
* இந்த ஃபேஸ் பேக்கை 2 நாளைக்கு ஒருமுறை பயன்படுத்த நல்ல பலனைப் பெறலாம்.

4. தேங்காய் எண்ணெய் மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் தேங்காய் எண்ணெயை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகம் மற்றும் கழுத்தில் தடவி, 40 நிமிடம் ஊற வைக்க வேண்டும்.
* பின்பு வெதுவெதுப்பான நீரால் கழுவ வேண்டும்.
* சிறந்த பலனைப் பெற, இந்த ஃபேஸ் பேக்கை வாரத்திற்கு 1 முறை பயன்படுத்த வேண்டும்.

5. ஓட்ஸ் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் ஓட்ஸ் பொடியை எடுத்து, அத்துடன் 1 முட்டையின் வெள்ளைக்கருவை சேர்த்து நன்கு கலந்து கொள்ள வேண்டும்.
* பின் அதை முகம் மற்றும் கழுத்துப் பகுதியில் தடவி, 30 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)