அசிங்கமான முகப்பரு தழும்புகளைப் போக்கணுமா? அப்ப இந்த ஃபேஸ் பேக்குகளை அதிகமா போடுங்க..

Skin Care Tips In Tamil: உங்களுக்கு முகப்பரு அதிகமாக வருமா? இப்படி முகப்பருக்கள் வந்து போகும் போது தழும்புகளை விட்டு செல்லுமா? இது உங்களின் முக அழகை கெடுக்கிறதா? இப்படியான முகப்பரு தழும்புகளை போக்க வேண்டுமா? இதற்காக பல்வேறு க்ரீம்களை மற்றும் அழகு சாதன பொருட்களை வாங்கி பயன்படுத்தி வருகிறீர்களா? இருப்பினும் எவ்வித பலனும் கிடைக்கவில்லையா? அப்படியானால் ஒருமுறை இயற்கை வழிகளை முயற்சித்துப் பாருங்கள்.

அதுவும் வீட்டில் உள்ள பொருட்களைக் கொண்டே முகப்பரு தழும்புகளைப் போக்கும் ஃபேஸ் பேக்குகளை தயாரித்து பயன்படுத்துங்கள். இப்படி இயற்கை பொருட்களைக் கொண்டு ஃபேஸ் பேக் போடும் போது, முகப்பரு தழும்புகள் மறைவதோடு, சரும செல்களும் ஆரோக்கியமாக இருக்கும். முக்கியமாக எவ்வித பக்கவிளைவுகளும் இருக்காது. இப்போது அசிங்கமான முகப்பரு தழும்புகளைப் போக்க உதவும் சில ஃபேஸ் பேக்குகளைக் காண்போம்.

1. மஞ்சள் மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1/2 டீஸ்பூன் மஞ்சள் தூள் எடுத்து, அத்துடன் 2 டீஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி, 20-30 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக் பருக்கள் வருவதைத் தடுப்பதோடு, பருக்களால் வந்த தழும்புகளையும் போக்க உதவும்.

2. கற்றாழை மற்றும் எலுமிச்சை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கற்றாழை ஜெல்லை எடுத்துக் கொள்ள வேண்டும்.
* பின் அதில் 1 டீஸ்பூன் எலுமிச்சை சாற்றினை சேர்த்து கலந்து கொள்ள வேண்டும்.
* பின்பு அதை முகத்தில் தடவி 20 நிமிடம் ஊற வைக்க வேண்டும்.
* இந்த ஃபேஸ் பேக்கை வாரத்திற்கு 2-3 முறை பயன்படுத்தி வர தழும்புகள் மறையும்.

3. ஓட்ஸ் மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் ஓட்ஸ் பவுடரை எடுத்து, அத்துடன் 2 டேபிள் ஸ்பூன் தயிர் சேர்த்து கலந்து கொள்ள வேண்டும்.
* பின்பு அதை முகத்தில் தடவி, 15-20 நிமிடம் ஊற வைக்க வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.
* இந்த ஃபேஸ் பேக் சருமத்தில் உள்ள இறந்த செல்களை நீக்குவதோடு, தழும்புகளையும் போக்க உதவும்.

4. கடலை மாவு மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவை எடுத்து, அத்துடன் 2 டேபிள் ஸ்பூன் தயிரை சேர்த்து கலந்து கொள்ள வேண்டும்.
* பின் அதை முகத்தில் தடவி, 30 நிமிடம் ஊற வைக்க வேண்டும்.
* அதன் பின் வெதுவெதுப்பான நீரால் கழுவ வேண்டும்.
* இந்த ஃபேஸ் பேக் சருமத்தில் உள்ள அழுக்குகளைப் போக்கி, தழும்பை மறையச் செய்யும்.

5. பப்பாளி மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் நன்கு கனிந்த பப்பாளி பழத்தை மசித்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி, 20-30 நிமிடம் ஊற வைக்க வேண்டும்.
* பின்பு வெதுவெதுப்பான நீரால் முகத்தைக் கழுவ வேண்டும்.
* இந்த ஃபேஸ் பேக் சருமத்திற்கு புத்துணர்ச்சி அளிப்பதோடு, நீரேற்றத்துடனும் வைத்துக் கொள்ள உதவும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)