உங்க முகத்துல பருக்களே இல்லாம இருக்கணுமா? அப்ப இந்த 2 பொருளை முகத்துல யூஸ் பண்ணுங்க!

பருக்கள் இல்லாத ஜொலிக்கும் சருமத்தை பெற வேண்டும் என்பது ஒவ்வொரு பெண்ணின் கனவாக இருக்கலாம். ஆனால், உணவுப் பழக்கம், வாழ்க்கை முறை மாற்றம் மற்றும் ஹார்மோன் மாற்றங்களால் தொல்லை தரும் பருக்கள் முகத்தில் உருவாக்கலாம்.

பருக்கள் உள்ள முகத்தை யாரும் விரும்ப மாட்டார்கள். ஏனெனில், பருக்கள் முக அழகை சீர்குலைக்கும். இதற்கு நீங்கள் கெமிக்கல் கலந்த சந்தை பொருட்களை பயன்படுத்துவதற்கு பதிலாக இயற்கையான பொருட்களை கொண்டு வீட்டிலேயே ஃபேஸ் பேக் செய்து பயன்படுத்தலாம். இது பாதுகாப்பானது, உங்களுக்கு எந்த பக்கவிளைவுகளையும் ஏற்படுத்தாது.

நாம் அனைவரும் நம் வாழ்வின் ஒரு கட்டத்தில் தொல்லைதரும் பருக்கள் மற்றும் வறண்ட சருமம் போன்ற பிரச்சனைகளை எதிர்கொள்ள நேரிடலாம். இதற்காக கவலைப்பட வேண்டாம். ஏனென்றால், மஞ்சள் மற்றும் ரோஸ் வாட்டர் உங்கள் சருமத்திற்கு அதிசயங்களை செய்யும்.

இயற்கையான இந்த அதிசய பொருட்கள் குறைபாடற்ற சருமத்தை அடைவதற்கான தீர்வை உங்களுக்கு வழங்குகிறது. முகப்பருக்கான வீட்டு வைத்தியமாகப் பயன்படுத்த மூன்று எளிய மற்றும் பயனுள்ள வழிகளை பற்றி இக்கட்டுரையில் காணலாம்.

பருக்கள் மற்றும் வறண்ட சருமத்திற்கு மஞ்சள் மற்றும் ரோஸ் வாட்டர்

மஞ்சளில் குர்குமின் என்ற கலவை உள்ளது. இது ஒரு சக்திவாய்ந்த அழற்சி எதிர்ப்பு மற்றும் பாக்டீரியா எதிர்ப்பு கலவையாகும். இது முகப்பருவை ஏற்படுத்தும் பாக்டீரியாக்களை எதிர்த்துப் போராட உதவுகிறது. ரோஸ் வாட்டர், வைட்டமின்கள் மற்றும் ஆக்ஸிஜனேற்றங்களால் நிரம்பியுள்ளது, இது வறண்ட சருமத்தை ஆற்றவும் ஈரப்பதமாக்கவும் உதவும்.

மஞ்சள் ஃபேஸ் மாஸ்க்

ஒரு டீஸ்பூன் மஞ்சள் தூளுடன் 2 டீஸ்பூன் ரோஸ் வாட்டரை கலந்து பேஸ்ட்டை உருவாக்க வேண்டும். அந்த பேஸ்ட்டை உங்கள் முகத்தில் சமமாக தடவி 15-20 நிமிடங்கள் கழித்து, வெதுவெதுப்பான நீரில் கழுவ வேண்டும். இந்த மாஸ்க் பருக்களை குறைக்கவும், உங்கள் சருமத்தை அழகான பொலிவுடன் ஜொலிக்க வைக்கவும் உதவும்.

மஞ்சள் மற்றும் ரோஸ் வாட்டர் டோனர்

ஒரு பங்கு ரோஸ் வாட்டரை 1 பங்கு தண்ணீருடன் கலக்க வேண்டும். அதில் ஒரு சிட்டிகை மஞ்சள்தூள் சேர்த்து நன்கு கலக்க வேண்டும். இந்த டோனரை உங்கள் முகத்தைச் சுத்தப்படுத்திய பின் பருத்திப் பந்தைப் பயன்படுத்திப் பயன்படுத்துங்கள். இது சருமத்தின் pH ஐ சமப்படுத்தவும், பருக்கள் வராமல் இருக்கவும் உதவுகிறது.

மஞ்சள் மற்றும் ரோஸ் வாட்டர் ஓவர் நைட் ஸ்பாட் சிகிச்சை

ஒரு சிட்டிகை மஞ்சளுடன் சில துளிகள் ரோஸ் வாட்டரை கலந்து பேஸ்ட் தயாரிக்க வேண்டும். இந்த பேஸ்டை படுக்கைக்கு முன் பருக்கள் மீது நேரடியாக தடவ வேண்டும். இரவு முழுவதும் அப்படியே விட்டுவிட்டு காலையில் முகத்தை கழுவ வேண்டும். இந்த சிகிச்சையானது பருக்கள் வேகமாக மறைய உதவும்.

இறுதிக்குறிப்பு

மஞ்சள் மற்றும் ரோஸ் வாட்டர் பொதுவாக பெரும்பாலான எல்லா வகையான தோல் வகைகளுக்கும் பாதுகாப்பானது என்றாலும், ஒவ்வாமை அல்லது எரிச்சலை சரிபார்க்க பேட்ச் டெஸ்ட் செய்ய வேண்டும். உங்களுக்கு உணர்திறன் வாய்ந்த சருமம் அல்லது ஏதேனும் சந்தேகம் இருந்தால், தோல் மருத்துவரை அணுக வேண்டும்.