குளிர்காலத்தில் பளிச்சுன்னு அழகா தெரியணுமா? அப்ப 1 ஸ்பூன் காபி தூள் இருந்தா இப்படி யூஸ் பண்ணுங்க..

Skin Care Tips In Tamil: குளிர்காலம் தொடங்கிவிட்டது. இந்த குளிர்காலத்தில் நீங்கள் அழகாகவும், பளிச்சென்றும் தெரிய வேண்டுமா? அப்படியானால் சருமத்திற்கு தவறாமல் பராமரிப்பு கொடுங்கள். நிறைய பேர் குளிர்காலத்தில் வெயில் அதிகம் இல்லாததால், சரும பராமரிப்பில் அலட்சியமாக இருப்பார்கள்.

ஆனால் குளிர்காலத்திலும் சருமத்திற்கு பராமரிப்பு கொடுத்து வந்தால் மட்டுமே நல்ல பொலிவான, அழகான தோற்றத்துடன் இருக்க முடியும். குளிர்காலத்தில் சருமம் அழகாக இருக்க நம் வீட்டு சமையலறையில் உள்ள ஒரு பொருளைக் கொண்டு பராமரிப்பு கொடுத்து வந்தாலே போதும்.

அதுவும் ஃபேஸ் பேக் போட்டு வந்தாலே, சருமம் நன்கு புத்துணர்ச்சியுடனும், ஆரோக்கியமாகவும் இருக்கும். அது வேறொன்றும் இல்லை காபித் தூள் தான். சரி, காபித் தூள் கொண்டு எப்படியெல்லாம் ஃபேஸ் பேக் போடலாம் என்று நீங்கள் கேட்கலாம். கீழே குளிர்காலத்தில் சருமம் பொலிவாக இருக்க உதவும் சில காபி ஃபேஸ் பேக்குகள் கொடுக்கப்பட்டுள்ளன.

1. காபி மற்றும் தேன்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காபித் தூளை எடுத்து, அத்துடன் தேன் சேர்த்து பேஸ்ட் செய்து கொள்ள வேண்டும்.
* பின் அதை முகத்தில் தடவி, 20 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.
* இப்படி வாரத்திற்கு 1-2 முறை பயன்படுத்தி வந்தால், சருமத்தில் உள்ள இறந்த செல்கள் நீங்குவதோடு, சரும சுருக்கங்களும், கரும்புள்ளிகளும் குறையும்.

2. காபி மற்றும் மஞ்சள் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காபித் தூளை எடுத்து, அத்துடன் 1/2 டேபிள் ஸ்பூன் பால் மற்றும் 1/2 டீஸ்பூன் மஞ்சள் தூள் சேர்த்து பேஸ்ட் செய்து கொள்ள வேண்டும்.
* பின்பு அதை முகம் மற்றும் கழுத்தில் தடவி, 15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

3. காபி மற்றும் கடலை மாவு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 3 டேபிள் ஸ்பூன் காபித் தூள், 1 டேபிள் ஸ்பூன் கடலை மாவை எடுத்துக் கொள்ள வேண்டும்.
* பின்பு அத்துடன் 2 டேபிள் ஸ்பூன் கற்றாழை ஜெல், 2 டேபிள் ஸ்பூன் தேன் சேர்த்து கலந்து கொள்ள வேண்டும்.
* பிறகு அதை முகத்தில் தடவி 15 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

4. காபி மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காபித் தூள் மற்றும் 1 டேபிள் ஸ்பூன் தயிர் சேர்த்து கலந்து கொள்ள வேண்டும்.
* பின்பு அதை முகம் மற்றும் கழுத்தில் தடவி 15-20 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

5. காபி மற்றும் தேங்காய் எண்ணெய் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காபித் தூள் மற்றும் 1 டேபிள் ஸ்பூன் தேங்காய் எண்ணெய் சேர்த்து பேஸ்ட் செய்து கொள்ள வேண்டும்.
* பின் அதை முகத்தில் தடவி சிறிது நேரம் மசாஜ் செய்ய வேண்டும்.
* பின்பு 20 நிமிடம் ஊற வைக்க வேண்டும்.
* அடுத்து குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)