முகத்தில் உள்ள தேவையற்ற முடிகளை வலி இல்லாமல் நீக்கும் சிறந்த வழிகள்...ட்ரை பண்ணி பாருங்க... சருமம் ஜொலிக்கும்!

Skin Care Tips: பெண்கள் முகத்தில் தேவையற்ற முடிகள் இருப்பது அவர்களின் ஒட்டுமொத்த தோற்றத்தில் எதிர்மறையான விளைவுகளை ஏற்படுத்தும். முகத்தில் தேவையற்ற முடிகள் இருப்பது பெரும்பாலான பெண்கள் சந்திக்கும் ஒரு மோசமான பிரச்சனையாகும். சில பெண்கள் முகத்தில் இருக்கும் முடியை ஷேவ் கொள்கிறார்கள், சிலர் த்ரெட்டிங் செய்கிறார்கள், ஆனால் கன்னங்கள் மற்றும் தாடையைச் சுற்றியுள்ள மிகச் சிறிய முடியை சமாளிப்பது என்பது மிகவும் எரிச்சலூட்டும் விஷயமாகும்.

தற்போது அழகு நிலையங்களில் அளிக்கப்படும் சிகிச்சைகள் இந்த தேவையற்ற முக முடிகளை அகற்றும் அதே வேளையில், சில இயற்கை வீட்டு வைத்தியங்கள் காலப்போக்கில் முடி வளர்ச்சியைக் குறைத்து மெதுவாக்கக்கூடும். வீட்டிலேயே நீங்கள் உருவாக்கக்கூடிய சில இயற்கை மாஸ்க் உள்ளன. இவை பக்க விளைவுகள் அற்றவை மற்றும் நல்ல பலனளிக்கக் கூடியவை. இந்த பதிவில் முகத்தில் உள்ள முடிகளை அகற்றும் சிறந்த வீட்டு வைத்தியங்கள் என்னென்ன என்று தெரிந்து கொள்ளலாம்.

மஞ்சள் மற்றும் பால்

மஞ்சள் பல நூற்றாண்டுகளாக வைத்தியத்திலும், அழகு குறிப்புகளிலும் பயன்படுத்தப்பட்டு வரும் ஒரு மந்திரப் பொருளாகும். முகத்தில் உள்ள தேவையற்ற முடிகளை நீக்கவும் இது பயனுள்ளதாக இருக்கும். 2 டீஸ்பூன் மஞ்சள் தூளை எடுத்து, சிறிது பால் மற்றும் ரோஸ் வாட்டர் சேர்த்து கலக்கவும். இதை நன்கு கெட்டியான பேஸ்டாக கலக்கவும். இப்போது, ​​தேவையற்ற முடி உள்ள பகுதிகளில் சமமாக தடவி உலர விடவும். நன்றாக உலர்ந்ததும் ​​மெதுவாக அந்த இடத்தை தேய்த்து தண்ணீரில் கழுவவும். இதை வாரத்திற்கு மூன்று முறை செய்தால் நல்ல மாற்றத்தைக் காணலாம். மஞ்சள் முடி வளர்ச்சியைக் குறைக்கிறது, சருமத்தில் உள்ள பாக்டீரியாக்களை அழிக்கிறது மற்றும் உங்களுக்கு பளபளப்பான சருமத்தை அளிக்கிறது.

முட்டையின் வெள்ளைக்கரு

முட்டை ஆரோக்கியத்திற்கு மட்டுமல்ல சரும பராமரிப்பிலும் முக்கியத்துவம் வாய்ந்ததாகும். 1 முட்டையின் வெள்ளைக்கரு, சிறிது சர்க்கரை மற்றும் 1 ஸ்பூன் சோள மாவு அல்லது அரிசி மாவு சிறந்த தீர்வாக இருக்கும். முட்டையை உடைத்து வெள்ளைக்கருவைத் தனியாகப் பிரிக்கவும். சர்க்கரை மற்றும் சோள மாவு சேர்த்து மென்மையான பேஸ்ட்டை உருவாக்கவும். இதை உங்கள் முகத்தில் சமமாகப் தடவவும், உங்கள் புருவங்கள் மற்றும் கண்களைத் தவிர்த்து தேய்த்து நன்றாக உலர விடவும், அது உங்கள் முகத்தில் நன்றாக காய்ந்து ஒட்டிக்கொண்டவுடன், மேல்நோக்கி மெதுவாக உரிக்கவும். இது முகத்தில் உள்ள மெல்லிய முடிகளை வெளியே இழுக்க உதவுகிறது மற்றும் உங்கள் சருமத்தை இறுக்குகிறது.

சர்க்கரை மற்றும் எலுமிச்சை

எலுமிச்சை சரும பராமரிப்பில் பல வழிகளில் பயன்படுத்தப்படுகிறது. சர்க்கரை மற்றும் எலுமிச்சை கலந்த கலவை சருமத்தை மெதுவாக உரிக்கிறது, எலுமிச்சை முடி வேர்களை பலவீனப்படுத்தி, முடியை பலவீனமாக்குகிறது. இந்த மாஸ்க் செய்ய 2 ஸ்பூன் சர்க்கரை, 1 ஸ்பூன் எலுமிச்சை சாறு மற்றும் சிறிது தண்ணீர் தேவைப்படும். அனைத்து பொருட்களையும் கலந்து முகத்தில் தடவி 20 நிமிடங்கள் அப்படியே உலர விடவும். பின்னர் குளிர்ந்த நீரில் கழுவவும், சிறந்த முடிவுகளைப் பெற இந்த கலவையை வாரத்திற்கு மூன்று முறை பயன்படுத்தவும்.

தேன் மற்றும் எலுமிச்சை

தேன் முகத்தில் உள்ள முடிகளில் ஒட்டிக்கொண்டு, தண்ணீரில் கழுவும்போது மெதுவாக அதை நீக்குகிறது. எலுமிச்சை ஒரு இயற்கையான ப்ளீச்சிங் பொருளாக செயல்படுகிறது மற்றும் காலப்போக்கில் முக முடியை மென்மையாக்குகிறது. இந்த கலவை உங்கள் சருமத்தை எப்போதும் மென்மையாகவும் பளபளப்பாகவும் வைத்திருக்கும். இந்த மாஸ்க்கை தயாரிக்க 1 ஸ்பூன் தேன் மற்றும் ½ ஸ்பூன் புதிய எலுமிச்சை சாறு மட்டும் போதுமானது. இரண்டையும் கலந்து முகத்தில் முடி உள்ள பகுதியில் மென்மையாக தேய்க்கவும். 20 நிமிடங்கள் அப்படியே விட்டுவிட்டு, பின்னர் ஒரு சுத்தமான துணியை வெதுவெதுப்பான நீரில் நனைத்து மாஸ்க்கை மெதுவாக துடைக்கவும். இது முகத்தில் தேவையற்ற முடிகள் இல்லாத ஒளிரும் சருமத்தை உங்களுக்குக் கொடுக்கும்.