திருமணத்திற்கு அழகான மஞ்சள் நிற மடிசார் புடவை அணிந்த நடிகை கீர்த்தி சுரேஷ்..

Keerthy Suresh Wedding: தென்னிந்தியாவின் முன்னணி நடிகைகளுள் ஒருவரும், தேசிய விருது பெற்ற நடிகையுமான கீர்த்தி சுரேஷ், டிசம்பர் 12 ஆம் தேதி தனது 15 வருட காதலரான ஆண்டனி தட்டில் என்பவரை திருமணம் செய்து கொண்டார். இவரது திருமணமானது கோவாவில் மிகவும் எளிமையாக நெருங்கிய நண்பர்கள், உறவினர்கள் மற்றும் நெருங்கிய திரையுலக நண்பர்கள் மத்தியில் பாரம்பரிய பிராமண ஐயங்கார் முறையில் நடைபெற்றது.

நடிகை கீர்த்தி சுரேஷ் தனது திருமணத்திற்கு பச்சை நிற பார்டர் கொண்ட மஞ்சள் நிற மடிசார் புடவையை அணிந்திருந்தார். கீர்த்தி சுரேஷ்ஷின் புடவையை வடிவமைத்தவர் பிரபல ஆடை வடிவமைப்பாளர் அனிதா டாங்ரே ஆவார். இந்த மடிசார் புடவையில் கீர்த்தி சுரேஷ் மிகவும் அழகாக காணப்பட்டார். அதுவும் இந்த புடவைக்கு கீர்த்தி சுரேஷ் அணிந்திருந்த ஆபரணங்கள் வும்மிடி பங்காரு ஜூவல்லர்ஸில் இருந்து வடிவமைக்கப்பட்ட பாரம்பரிய நகைகளாகும்.

கீர்த்தி சுரேஷ் திருமணத்தின் போது மடிசார்புடவைக்கு ராஜ தோற்றத்திற்கு மேல் கையில் ஆர்ம்லெட், குட்டையான மற்றும் நீண்ட நெக்லேஸ்களான அத்திகை மற்றும் ஆரம், முக அழகை கூட்ட நெற்றிச்சுட்டி, புடவையில் உடல் தோற்றத்தை மேம்படுத்த ஒட்டியானம், ராக்கோடி, சூரிய மற்றும் சந்திர பிறை போன்ற ஆபரணங்களை அணிந்திருந்தார். இவை ஒவ்வொன்றும் அவரது திருமண உடையின் கலாச்சார செழுமையையும் முக்கியத்துவத்தையும் பிரதிபலித்தன. மொத்தத்தில் கீர்த்தி சுரேஷ் தனது திருமணத்தில் கொள்ளை அழகுடன் காணப்பட்டார்.

கீர்த்தி சுரேஷ்ஷின் திருமணத்திற்கு பல்வேறு திரைப்பிரபலங்களும் வந்து, அவருக்கு வாழ்த்துக்களை தெரிவித்தனர். ஏன் நடிகரும், தமிழக வெற்றிக்கழகத்தின் தலைவருமான விஜய் அவர்கள், கீர்த்தி சுரேஷ்ஷிற்கு வாழ்த்துக்களை தெரிவிக்க கோவாவிற்கு சென்றுள்ளார்.

கீர்த்தி சுரேஷ் சமூக வலைத்தளத்தில் மிகவும் ஆக்டிவ்வாக இருப்பார். தனது இன்ஸ்டா பக்கத்தில் கூட அடிக்கடி தனது போட்டோக்களை பகிர்ந்து வருவார். ஆனால் ஒருமுறை கூட இவர் தனது காதல் குறித்து எதையும் வெளிப்படுத்தவில்லை. தனது தனிப்பட்ட வாழ்க்கையைப் பற்றி ரகசியமாகவே வைத்துள்ளார். எதுவாயினும், கீர்த்தி சுரேஷ்ஷின் திருமணம் நல்லபடியாக நடைபெற்றுவிட்டது.