ஆண்களின் அந்தரங்கப் பகுதிகளில் பேன்கள் வந்தால் என்ன செய்ய வேண்டும்?

ஆண், பெண் இருபாலருக்கும் அந்தரங்கப் பகுதியில் ஏற்படும் அரிப்பு என்பது பெரிய தொந்தரவாக இருக்கும். பொது இடங்களில் இத்தகைய அரிப்பு ஏற்பட்டுவிட்டால் படாதபாடு பட வேண்டியிருக்கும். இதற்கு என்ன காரணம்?. இதை தவிர்க்க என்ன வழி? என்று தவிர்க்க நினைப்பவர்கள் என்ன செய்ய வேண்டும் என்று பார்க்கலாம்.

அந்தரங்கப் பேன் என்பது நண்டுகளை போன்றவை. இந்த சிறிய வகை பூச்சி பிறப்புறுப்பு பகுதியில் பாதிப்பை ஏற்படுத்தக் கூடியதாகும். இதில் 3 வகை பேன்கள் உண்டு. தலைப்பேன், உடல் பேன், அந்தரங்கப் பேன் என 3 வகைப்படும். 'ப்திருஸ் புபிஸ்'என்று அறிவியல் ரீதியாக இது அழைக்கப்படும். பொதுவாக அந்தரங்கப் பேன்கள் மனித ரத்தத்தைக் குடிப்பதோடு, அவை தாக்கிய பகுதிகளில் அரிப்பையும் ஏற்படுத்தும்.

முடி நிறைந்த பகுதிகளில் இந்த வகை பேன்கள் அதிகம் இருக்கும். இவை பாலியல் நோய்களை பரப்புவது கிடையாது. எனினும் உடலுறவின் போது பரவும். அரிதாக கை முடி, இமை, முகத்தில் உள்ள முடிகளில் இவற்றை எப்போதாவது பார்க்கலாம். அந்தரங்கப் பேன்கள் மற்ற இரண்டு பேன்களை விட உருவத்தில் மிக சிறியதாக இருக்கும். இதற்கு உடனடி நிவாரணம் வேண்டும் என்றால் வீட்டிலேயே கை வைத்தியம் செய்து கொள்வது சிகிச்சைக்கான நல்ல தொடக்கமாக இருக்கும்.