உங்க தலையில பொடுகு அதிகமா இருக்கா? அப்ப ஆப்பிள் சீடர் வினிகரை இந்த மாதிரி யூஸ் பண்ணுங்க..

ஆப்பிள் சீடர் வினிகர் மற்றும் நீர்

ஆப்பிள் சீடர் வினிகரில் அமிலத்தன்மை அதிகம் உள்ளதால், அதை அப்படியே நேரடியாக தலைக்கு பயன்படுத்தக்கூடாது. இல்லாவிட்டால் ஸ்கால்ப் தான் பாதிக்கப்படும். தலையில் பொடுகு அதிகம் இருக்கும் போது ஆப்பிள் சீடர் வினிகர் மற்றும் நீரை சரிசம அளவில் எடுத்துக் கொண்டு, அவற்றைக் கொண்டு தலைமுடியை, குறிப்பாக ஸ்கால்ப்பை அலச வேண்டும். அலசிய பின் 15 நிமிடம் ஊற வைத்து, பின் குளிர்ந்த நீரால் அலச வேண்டும். இப்படி வாரத்திற்கு 2 முறை செய்து வந்தால், பொடுகு காணாமல் போகும்.

ஆப்பிள் சீடர் வினிகர் ஸ்ப்ரே

2 டேபிள் ஸ்பூன் ஆப்பிள் சீடர் வினிகரில் 2 டேபிள் ஸ்பூன் நீரை சேர்த்து கலந்து, ஸ்ப்ரே பாட்டிலில் நிரப்பிக் கொள்ள வேண்டும். பின் தலைக்கு ஷாம்பு மற்றும் கண்டிஷனர் பயன்படுத்திய பின், இந்த ஆப்பிள் சீடர் வினிகரை ஸ்ப்ரே செய்து, உலர்த்த வேண்டும். இப்படி வாரத்திற்கு ஒருமுறை செய்ய பொடுகு பிரச்சனையே வராது.

ஆப்பிள் சீடர் வினிகர் மற்றும் டீ-ட்ரீ ஆயில்

ஆப்பிள் சீடர் வினிகரை நீரில் கலந்து, அத்துடன் சில துளிகள் டீ-ட்ரீ ஆயில் சேர்த்து கலந்து, அந்நீரை ஸ்கால்ப்பில் தடவி மென்மையாக மசாஜ் செய்ய வேண்டும். பின் 15 நிமிடம் கழித்து, மைல்டு ஷாம்பு பயன்படுத்தி தலைமுடியை அலச வேண்டும். இப்படி வாரத்திற்கு ஒருமுறை செய்ய நல்ல பலன் கிடைக்கும்.

ஆப்பிள் சீடர் வினிகர் மற்றும் கற்றாழை ஜெல்

ஒரு டேபிள் ஸ்பூன் ஆப்பிள் சீடர் வினிகரை ஒரு கப் நீரில் கலந்து கொள்ள வேண்டும். பின் அத்துடன் 5-6 டேபிள் ஸ்பூன் கற்றாழை ஜெல்லை சேர்த்து கலந்து, ஸ்கால்ப் மற்றும் முடியில் தடவி 10 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி வாரத்திற்கு 2 முறை செய்ய பொடுகு தொல்லையில் இருந்து விடுபடலாம்.

ஆப்பிள் சீடர் வினிகர் மற்றும் சீமைச்சாமந்தி டீ

ஒரு டேபிள் ஸ்பூன் ஆப்பிள் சீடர் வினிகரை ஒரு கப் வெதுவெதுப்பான சீமைச்சாமந்தி டீயில் கலந்து கொள்ள வேண்டும். பின்னர் தலைக்கு ஷாம்பு பயன்படுத்திய பின் இந்த நீரையைக் கொண்டு தலைமுடியை அலச வேண்டும். பொடுகு இருக்கும் போது இப்படி தலைமுடியை வாரம் ஒருமுறை அலச பொடுகு சீக்கிரம் நீங்கும்.

ஆப்பிள் சீடர் வினிகர் மற்றும் ஆஸ்பிரின்

ஆப்பிள் சீடர் வினிகரை ஒரு கப் எடுத்துக் கொள்ள வேண்டும். பின் அதில் 3 ஆஸ்பிரின் மாத்திரையை பொடி சேர்த்து கலந்து கொள்ள வேண்டும். தலைக்கு ஷாம்பு பயன்படுத்திய பின் இதைக் கொண்டு தலைமுடியை அலசி, பின் குளிர்ந்த நீரால் தலைமுடியை அலச வேண்டும். அதன் பின் கண்டிஷனரைப் பயன்படுத்த வேண்டும்.

ஆப்பிள் சீடர் வினிகர் மற்றும் எலுமிச்சை

1/4 கப் ஆப்பிள் சீடர் வினிகரை 1 கப் நீரில் கலந்து, அத்துடன் பாதி எலுமிச்சையைப் பிழிந்து கொள்ள வேண்டும். பின் அதை ஒரு ஸ்ப்ரே பாட்டிலில் ஊற்றி கலந்து கொள்ள வேண்டும். பின்பு அந்த நீரை தலைமுடியில் ஸ்ப்ரே செய்து, ஒரு துணியால் தலைமுடியைக் கட்டி, 30 நிமிடம் ஊற வைத்து பின் மைல்டு ஷாம்பு பயன்படுத்தி அலச வேண்டும். இப்படி பொடுகுத் தொல்லை அதிகமாக இருக்கும் போது, வாரத்திற்கு 2 முறை செய்தால் பொடுகு சீக்கிரம் நீங்கும்.

ஆப்பிள் சீடர் வினிகர் மற்றும் பேக்கிங் சோடா

ஆப்பிள் சீடர் வினிகர் மற்றும் பேக்கிங் சோடாவை சரிசம அளவில் எடுத்து ஒன்றாக கலந்து பேஸ்ட் செய்து கொள்ள வேண்டும். பின் அந்த பேஸ்ட்டை ஸ்கால்ப்பில் தடவி மென்மையாக 5 நிமிடம் மசாஜ் செய்ய பின் குளிர்ந்த நீரால் தலைமுடியை அலச வேண்டும். இந்த முறையை வாரத்திற்கு ஒருமுறைக்கு மேல் பயன்படுத்த வேண்டாம்.