ஆண்களின் எல்லா தேவைகளையும் பூர்த்தி செய்யும் ஜாதிக்காய்...! தலை முதல் பாதம் வரை...

நலம் தரும் ஜாதிக்காய்..!

மற்ற காயை போன்றே ஜாதிக்காயிலும் எண்ணற்ற நன்மைகள் உள்ளது. உடல் ஆரோக்கியம் முதல் முக ஆரோக்கியம் வரை எல்லாவற்றிற்கும் இது நன்மை தருகிறது. பெண்களை காட்டிலும் ஆண்களுக்கே இது பெரிதும் பயன்படுகிறது. விந்தணு குறைபாடு போன்ற பிரச்சினை முதல் முக அழகு வரை ஆண்களின் அனைத்து தேவைக்கும் இது தீர்வாக உள்ளது.

முக அழுக்கை நீக்க...

ஆண்கள் எப்போதும் அதிகமாக வெளியில் சுற்றுவதால் அவர்களின் முகம் மிகவும் பாதிக்கப்படுகிறது. வெளியில் உள்ள ஏராளமான தூசுகள், அழுக்குகள் முகத்தில் ஒட்டி கொண்டு முக அழகை பாதிக்கும். இதனை நீக்க இந்த முறையை செய்து பாருங்கள்.

தேவையானவை :-

1 டீஸ்பூன் தேன்

1 டீஸ்பூன் ஜாதிக்காய் தூள்

2 சொட்டு எலுமிச்சை சாறு

2 சொட்டு கிராம்பு எண்ணெய்

1 டீஸ்பூன் பேக்கிங் சோடா

செய்முறை :-

முதலில் பேக்கிங் சோடா,தேன், கிராம்பு எண்ணெய் ஆகியவற்றை கலந்து கொள்ளவும். அடுத்து அதனுடன் ஜாதிக்காய் தூள், எலுமிச்சை சாறு சேர்ந்து முகத்தில் பூசி 10 நிமிடம் மசாஜ் செய்து, வெது வெதுப்பான நீரில் முகத்தை கழுவவும். இந்த முறையை வாரத்திற்கு 1 முறை செய்து வந்தால் முகத்தில் அழுக்குகள் சேராமல் இருக்கும்.

இளமையான சருமத்தை தரும் ஜாதிக்காய்..!

பலருக்கு இளமையான சருமம் விரைவிலேயே போய்விடும். இதற்கு முழு காரணமும் அவர்கள் தங்கள் முகத்தை பராமரிக்காமல் இருப்பதாலேயே நடக்கிறது. முகத்தை இளமையாக வைக்க இந்த அழகு குறிப்பே போதும்.

தேவையானவை :-

1/2 டீஸ்பூன் ஜாதிக்காய் தூள்

1 டீஸ்பூன் எலுமிச்சை சாறு

1 டீஸ்பூன் தேன்

1 டீஸ்பூன் யோகர்ட்

செய்முறை :-

ஜாதிக்காய் தூளை முதலில் எலுமிச்சை சாறுடன் கலக்க வேண்டும். அடுத்து அதனுடன் தேன் மற்றும் யோகர்ட் சேர்த்து முகத்தில் பூசி மசாஜ் செய்யவும். முக்கியமாக கண் மற்றும் வாயிற்குள் போகாதவாறு பார்த்து கொள்ளுங்கள். பிறகு குளிர்ந்த நீரில் 15 நிமிடம் கழித்து முகத்தை கழுவினால் முகத்தில் உள்ள சுருக்கங்கள் நீங்கி தோல் இறுக செய்யும்.

முக பருக்களை போக்க...

முகத்தில் உள்ள எண்ணெய் சுரப்பிகள் முகத்தில் முகப்பருக்களை உருவாக்குகின்றன. இது ஆண்கள் பெண்கள் என இருவருக்கும் பொதுவாகவே இருக்கும். ஆனால், ஹார்மோன்களின் அதிக படியான மாற்றங்கள் இவற்றை முகத்தில் அதிகமாக ஏற்படுத்தும். இதனை குணப்படுத்த...

தேவையானவை :-

1/2 டீஸ்பூன் ஜாதிக்காய் தூள்

1 டீஸ்பூன் தேன்

1 டீஸ்பூன் பால்

செய்முறை :-

முதலில் பால் மற்றும் தேனை நன்றாக கலக்கி கொள்ளவும். அடுத்து அதனுடன் இந்த ஜாதிக்காய் தூளை கலந்து முக பருக்கள் உள்ள இடத்தில பூசவும். 10 நிமிடம் கழித்து குளிர்ந்த நீரில் முகத்தை கழுவவும். இந்த குறிப்பை வாரத்திற்கு 2 முறை செய்து வந்தால் பருக்கள் வந்த இடம் தெரியாமல் மறைந்து போகும்.

முடியின் போஷாக்கிற்கு ஜாதிக்காய்..!

நன்றாக முடி வளர வேண்டும் என விரும்புவர்களுக்கு இந்த ஜாதிக்காய் அருமையான தீர்வு. இது முடி கொட்டும் பிரச்சினை முதல் பொடுகு தொல்லை வரை குணப்படுத்த கூடியது. இதனை பெற...

தேவையானவை :-

1/2 டீஸ்பூன் ஜாதிக்காய் தூள்

1 டீஸ்பூன் தேன்

1 டீஸ்பூன் யோகர்ட்

செய்முறை :-

ஜாதிக்காய் தூளுடன் முதலில் தேனை கலந்து கொள்ளவும். அடுத்து அவற்றுடன் யோகர்ட் சேர்த்து தலையின் அடி வேரில் நன்கு தேய்த்து மசாஜ் செய்யவும். 15 நிமிடத்திற்கு பிறகு மிதமான சுடு தண்ணிரீலில் சிறிது ஷாம்பு பயன்படுத்தி தலையை அலசினால் முடியின் வளர்ச்சி அதிகரிக்கும். அத்துடன் முடி உதிர்வும் நின்று போகும்.

பாத அழுக்குகளை நீங்க...

நீண்ட நாட்களாக உங்கள் பாதத்தில் அழுக்குகள் இருக்கின்றதா..? அவ்வாறு இருப்பதால் அது பாத தொற்றுக்களை ஏற்படுத்தும். பின் அவை புண்களாக மாறும். இதனை சரி செய்ய இந்த மருத்துவ குறிப்பை பயன்படுத்துங்கள்.

தேவையானவை :-

1/2 டீஸ்பூன் ஜாதிக்காய் தூள்

1 டீஸ்பூன் எலுமிச்சை சாறு

1 டீஸ்பூன் ஆலிவ் எண்ணெய்

1 டீஸ்பூன் யோகர்ட்

செய்முறை :-

முதலில் ஜாதிக்காய் தூளையும் எலுமிச்சை சாற்றையும் ஒன்றாக கலந்து கொள்ளவும். பிறகு அதனுடன் ஆலிவ் எண்ணெய் மற்றும் யோகர்ட் சேர்த்து பாதங்களின் அனைத்து இடுக்குகளிலும் தடவவும். இவ்வாறு வாரத்திற்கு 2 முறை செய்தால், பாதத்தில் உள்ள அழுக்குகள் நீங்கி பாதங்கள் மென்மை பெரும்.

முக்கிய குறிப்பு :- இந்த அழகு குறிப்பை பயன்படுத்தும்போது கண் மற்றும் வாயிற்குள் போகாமல் பார்த்து கொள்ளவும்.

இந்த பதிவு உங்களுக்கு பயனுள்ளதாக இருந்தால் உங்கள் நண்பர்களுடன் பகிர்ந்து, அவர்களின் அழகிற்கும் உதவுங்கள்.