For Quick Alerts
ALLOW NOTIFICATIONS  
For Daily Alerts

ஹைதராபாத் தயிர் வெண்டைக்காய் மசாலா

By Maha
|

மதிய வேளையில் எப்போதும் ஒரே மாதிரியான சமையல் செய்து அழுத்துப் போய்விட்டதா? அப்படியெனில் சற்று வித்தியாசமான ஸ்டைலை ட்ரை பண்ணலாமே! அதிலும் நன்கு காரமாக இருக்கும் ஹைதராபாத் ஸ்டைலில் உள்ள, அனைவருக்கும் பிடித்த வெண்டைக்காய் மற்றும் தயிரை வைத்து ஒரு மசாலா செய்து பார்க்கலாம்.

அந்த ஹைதராபாத் ஸ்டைல், தயிர் வெண்டைக்காய் மசாலாவை எப்படி செய்வதென்று படித்து தெரிந்து கொள்ளுங்கள்.

Hyderabadi Dahi Bhindi Masala

தேவையான பொருட்கள்:

வெண்டைக்காய் - 500 கிராம்
வெங்காயம் - 1 (நறுக்கியது)
தக்காளி - 2 (நறுக்கியது)
இஞ்சி பூண்டு பேஸ்ட் - 1 டீஸ்பூன்
தயிர் - 1 கப்
துருவிய தேங்காய் - 1 டேபிள் ஸ்பூன்
முந்திரி - 8
கரம் மசாலா - 1 டீஸ்பூன்
மிளகாய் தூள் - 1 டீஸ்பூன்
மஞ்சள் தூள் - 1/2 டீஸ்பூன்
மாங்காய் தூள் - 1 டீஸ்பூன்
எண்ணெய் - தேவையான அளவு
உப்பு - தேவையான அளவு
தண்ணீர் - 1 கப்

தாளிப்பதற்கு...

கடுகு - 1 டீஸ்பூன்
சீரகம் - 1/2 டீஸ்பூன்
உளுத்தம் பருப்பு - 1/2 டீஸ்பூன்
பெருங்காயத் தூள் - 1 சிட்டிகை
வரமிளகாய் - 2
கறிவேப்பிலை - சிறிது
எண்ணெய் - தேவையான அளவு

செய்முறை:

முதலில் வெண்டைக்காயை நன்கு கழுவி, துணியால் துடைத்து, நறுக்கி வைத்துக் கொள்ள வேண்டும்.

பின்னர் முந்திரியை வெதுவெதுப்பான நீரில் 10 நிமிடம் ஊற வைத்து, துருவிய தேங்காயுடன் சேர்த்து, தேவையான அளவு தண்ணீர் ஊற்றி நன்கு பேஸ்ட் போல் அரைத்து, தனியாக வைத்துக் கொள்ள வேண்டும்.

பின்பு ஒரு கடாயில் 1 டேபிள் ஸ்பூன் எண்ணெய் ஊற்றி, நறுக்கிய வெண்டைக்காய் சேர்த்து 5 நிமிடம் வதக்கி, இறக்கிக் கொள்ள வேண்டும்.

பிறகு மற்றொரு கடாயை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி காய்ந்ததும், கடுகு, சீரகம், பெருங்காயத் தூள், வரமிளகாய், கறிவேப்பிலை, உளுத்தம் பருப்பு சேர்த்து 1 நிமிடம் தாளிக்க வேண்டும்.

பின் இஞ்சி பூண்டு பேஸ்ட், மிளகாய் தூள், மாங்காய் தூள், கரம் மசாலா, மஞ்சள் தூள் சேர்த்து 2 நிமிடம் வதக்கி விட வேண்டும்.

அடுத்து நறுக்கி வைத்துள்ள தக்காளி சேர்த்து, 3-4 நிமிடம் வதக்கி, அரைத்து வைத்துள்ள பேஸ்ட்டை சேர்த்து, 2 நிமிடம் வதக்க வேண்டும்.

பின்னர் தயிர் மற்றும் உப்பு சேர்த்து, 1 நிமிடம் கொதிக்க வைத்து, மீதமுள்ள தண்ணீரை சேர்த்து கிளறி, பின் வதக்கி வைத்திருக்கும் வெண்டைக்காயை சேர்த்து, 5 நிமிடம் தீயை குறைவில் வைத்து கொதிக்க விட்டு, இறக்கி விட வேண்டும்.

இப்போது சுவையான ஹைதராபாத் தயிர் வெண்டைக்காய மசாலா ரெடி!!!

English summary

Hyderabadi Dahi Bhindi Masala | ஹைதராபாத் தயிர் வெண்டைக்காய் மசாலா

Hyderabadi dahi bhindi masala is prepared with yogurt. The creamy yogurt with cashew nuts and coconut make this recipe an absolute delight. Here goes the recipe for Hyderabadi dahi bhindi masala.
Story first published: Thursday, May 16, 2013, 12:08 [IST]
Desktop Bottom Promotion