காரா சேவ்

By:
Subscribe to Boldsky

பொதுவாக காரா சேவ்வை கடைகளில் தான் வாங்கி சாப்பிட்டிருப்போம். ஆனால் அந்த காரா சேவ்வை வீட்டிலேயே செய்து நிறைய சாப்பிடலாம். உங்களுக்கு அந்த காரா சேவ்வை எப்படி செய்வதென்று தெரிந்து கொள்ள வேண்டுமா? அப்படியெனில் தொடர்ந்து படியுங்கள்.

ஏனெனில் இங்கு காரா சேவ்வின் எய செய்முறை கொடுக்கப்பட்டுள்ளது. அதைப் படித்து அதன்படி செய்து சுவைத்து மகிழுங்கள்.

Kara Sev Recipe

தேவையான பொருட்கள்:

கடலை மாவு - 2 1/2 கப்
அரிசி மாவு - 1 கப்
மிளகாய் தூள் - 1/4 டீஸ்பூன்
மிளகு - 1 டீஸ்பூன்
நெய் - 2 1/2 டீஸ்பூன்
எண்ணெய் - பொரிப்பதற்கு தேவையான அளவு
உப்பு - தேவையான அளவு

செய்முறை:

முதலில் மிக்ஸியில் மிளகை போட்டு பொடி செய்து கொள்ள வேண்டும்.

பின்னர் ஒரு பாத்திரத்தில் கடலை மாவு, அரிசி மாவு, நெய், மிளகாய் தூள், மிளகுப் பொடி மற்றும் உப்பு சேர்த்து, தண்ணீர் ஊற்றி மென்மையாகவும், முறுக்கு மாவு பதத்திற்கும் பிசைந்து கொள்ள வேண்டும்.

பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

எண்ணெயானது சூடானதும், முறுக்கு அச்சை எடுத்து, அதனுள் மாவை வைத்து, எண்ணெயில் பிழிய வேண்டும். இதேப் போன்று அனைத்து மாவையும் சுட்டு எடுத்தால், காரா சேவ் ரெடி!!!

Image Courtesy: sharmispassions

English summary

Kara Sev Recipe

Do you know how to prepare kara sev at home easily? Check out and give it a try...
Please Wait while comments are loading...
Subscribe Newsletter