தமிழ் புத்தாண்டு நாளான இன்று நடந்த திகைக்க வைக்கும் சுவாரஸ்யமான நிகழ்வுகள்!!!

உலக சித்தர்கள் நாள்

உலக சித்தர்கள் நாள் (World Siddha day) என்பது சித்த மருத்துவத்தின் சிறப்பைப் போற்றும் வகையிலும், சித்த மருத்துவம் குறித்த விழிப்புணர்வை ஏற்படுத்தவும், சித்த மருத்துவ அறிவியலை உருவாக்கிய சித்தர்களுக்கு நன்றி தெரிவிக்கும் வகையிலும் ஒவ்வோர் ஆண்டும் ஏப்ரல் 14 ஆம் நாள் கொண்டாடப்பட்டு வருகிறது.

அம்பேத்கர் பிறந்தநாள்

இந்திய சட்டப்புதகத்தை இயற்றிய பெருமைக்கு உரிய டாக்டர். அம்பேத்கர் அவர்களுடைய பிறந்தநாள் இன்று. பாபா சாகேப் என்றழைக்கப்படும் பீம்ராவ் ராம்ஜி அம்பேத்கர், இந்திய விடுதலைக்குப் பின்னர் நாட்டின் முதலாவது சட்ட அமைச்சராகப் பதவி வகித்தவர் என்பது குறிப்பிடத்தக்கது.

ஆபிரகாம் லிங்கன் சுடப்பட்டார்

கடந்த 1865 ஆண்டு இதே நாளன்று, அமெரிக்க அதிபர் ஆபிரகாம் லிங்கன் ஜோன் வில்க்ஸ் பூத் என்பவனால் சுடப்பட்டார்

தாமஸ் ஆல்வா எடிசன்

தொமஸ் எடிசன் ஒளிப்படங்களைப் பாவித்து அசையும் படக்காட்சியை காட்டும் கினட்டஸ்கோப் (kinetoscope) என்ற அசையும் ஒளிப்படக்கருவியை கடந்த 1894 ஆம் ஆண்டு இதே நாளில் தான் காட்சிப்படுத்தினார்.

டைட்டானிக்

உலகின் மிக உயர்ந்த கேளிக்கை கப்பலான டைட்டானிக் பனிப்பாறையில் மோதி விபத்துக்குள்ளான நாள் இன்று. கடந்த 1912 ஆம் ஆண்டு இந்த துயர சம்பவம் நிகழ்ந்தது. மறுநாள் இந்த விபத்தினால் 1,503 பலியானதாக செய்திகள் வெளியாயின.

பம்பாயில் குண்டுவெடிப்பு

இதே நாளில், கடந்த 1944 ஆம் ஆண்டு பம்பாய் துறைமுகத்தில் இடம்பெற்ற குண்டுவெடிப்பில் 300 பேர் கொல்லப்பட்டனர்

பனிக்கட்டி மழை

வங்காள தேசத்தில் 1 கிலோ எடையுள்ள பனிக்கட்டி மழை கடந்த 1986 ஆம் ஆண்டு பொழிந்தது. இந்த சம்பவத்தினால் 92 பேர் மரணமடைந்தனர்.

சரியாக 13 ஆண்டுகள் கழிந்து...

ஆஸ்திரேலியா, சிட்னியில் பலமான பனிக்கட்டி மழை பொழிந்ததில் $ 1.7 பில்லியன் பெறுமதியான சேதம் ஏற்பட்டது. சரியாக 13 ஆண்டுகளுக்கு முன்பு இதே போன்ற பனிக்கட்டி மழை வங்காள தேசத்தில் பொழிந்தது.