Just In
- 40 min ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- 1 hr ago சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- 1 hr ago புடவை கட்டினால் புற்றுநோய் வருகிறதாம்.. ஆய்வுகள் கூறும் அதிர்ச்சி தகவல்..!
- 3 hrs ago வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
Don't Miss
- News ஒரே காரில் 4 ஆண்களுடன் இளம்பெண் பயணம்.. குமரி போலீஸ் கேட்ட கேள்வி.. கேரள இளைஞர்கள் கடும் வாக்குவாதம்
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Finance உங்ககிட்ட கிழிஞ்ச ரூபாய் நோட்டு இருக்கா.. அப்போ கண்டிப்பா இந்த பதிவு உங்களுக்குத்தான்!
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
அழகாகவும், ஆரோக்கியமாகவும் இருக்க உதவும் உணவுகள்!!
இதுவரை இனிப்பு உணவுகள், பொரித்த உணவுகள் மற்றும் நொறுக்குத் தீனிகளை ஒரு கட்டு கட்டியிருந்தால், உங்கள் உடலை மீண்டும் ரீ-சார்ஜ் செய்து நச்சுத் தன்மையை நீக்குவதற்கு முயற்சிக்க வேண்டும். அதற்கு உதவி புரிந்திட சில சிறந்த உணவுகள் இருக்கிறது.
நீங்கள் சாப்பிடுவதை பொறுத்து அமைவது தான் உங்கள் உடலும், உங்கள் அழகும், என்பதை மறந்துவிடாதீர்கள். நீங்கள் ஆரோக்கியமற்ற உணவுகளை உட்கொண்டு வந்திருந்தாலும் கூட, அதனால் ஏற்படும் தாக்கங்களை இவ்வகை உணவுகள் நிவர்த்தி செய்யும்.
இந்த உணவுகளை உங்கள் டயட்டில் சேர்த்துக் கொள்ள முயற்சி செய்யுங்கள். அப்படி செய்யும் போது, உங்கள் உடலுக்கும் மனதுக்கும் ஏற்பட போகும் மாற்றத்தை கண்டிப்பாக நீங்கள் உணர்வீர்கள்.
முட்டை
புரதம், வைட்டமின் மற்றும் கனிம பொருட்கள் வளமையாக நிறைந்துள்ள முட்டை, உங்கள் செறிவூட்டத்தை மேம்படுத்தி, ஆரோக்கியமான எடையை பராமரித்து, மூளை வளர்ச்சிக்கு உதவி புரிந்து, கண் பார்வையை வலிமையாக்கி, இரத்த உறைதலை கையாண்டு, பிறவிக் குறை மற்றும் மார்பக புற்றுநோயை தடுக்கும் என்று உணவியல் வல்லுநர் பூஜா மகிஜா கூறுகிறார்.
ஸ்ட்ராபெர்ரி
சுவைமிக்க ஸ்ட்ராபெர்ரி பார்ப்பதற்கு மட்டுமல்லாமல் சுவையிலும் அருமையாக இருக்கும். ஆண்டி-ஆக்சிடன்ட் அடங்கியுள்ள இந்த பழம் இதயகுழலிய நன்மைகளை அளித்து, இரத்த சர்க்கரை அளவை கட்டுப்படுத்தி (அதனால் சர்க்கரை நோய்க்கு நல்லது), புற்றுநோயை எதிர்த்து போராடும்.
வாழைப்பழம்
வாழைப்பழத்தில் பொட்டாசியமும் நார்ச்சத்தும் வளமையாக இருக்கும். இரத்தக் கொதிப்பை குறைத்து, எலும்பின் ஆரோக்கியத்தை மேம்படுத்தி, செரிமானப் பாதையை ஆரோக்கியமாக வைத்து, புற்று நோய் வளர்ச்சியை தடுக்கும் வாழைப்பழம்.
பூசணிக்காய்
பூசணிக்காயின் விதைகள் மற்றும் தசை என இரண்டுமே பல பயன்களை அளிக்கிறது. இதிலும் ஆன்டி-ஆக்ஸிடண்ட்டுகள், வைட்டமின் ஏ, சி, கே மற்றும் ஈ, மெக்னீசியம், பொட்டாசியம் மற்றும் இரும்பு வளமையாக உள்ளது. எலும்பு மெலிதல் நோய், முன்னிற்குஞ்சுரப்பி பிரச்சனைகள், மன அழுத்தம் போன்றவைகளை குணப்படுத்தவும் புற்று நோயை தவிர்க்கவும் பூசணிக்காயின் விதைகள் உதவுகிறது.
ஆரஞ்சு
ஆரஞ்சு என்றாலே வைட்டமின் சி வளமையாக உள்ள ஒரு பழம் என்பதை தான் அனைவரும் அறிவோம். ஆனால் ஆஸ்துமா, சிறுநீரக கற்கள், இரத்தக்கொதிப்பு மற்றும் கீல்வாதம் போன்றவைகளை கையாள இந்த எளிய பழம் உதவி புரிவது பல பேருக்கு தெரியாது. கொலஸ்ட்ராலை குறைக்கவும் சர்க்கரை நோயை தடுக்கவும் கூட இது உதவுகிறது.
ப்ராக்கோலி
ஊட்டச்சத்து நிறைந்துள்ள இந்த உணவு, இரத்த கொதிப்பு, சர்க்கரை நோய், எலும்பு மெலிதல் நோய் உள்ளவர்களுக்கு உதவி புரிந்திடும். கண்புரை, வயிறு மற்றும் குடல் புற்று நோய், கீல்வாதம், இதய நோய்கள், அல்சைமர், ட்யூமர், வயதாவதனால் ஏற்படும் பிரச்சனைகள் போன்றவைகளை கட்டுப்படுத்தி தடுக்க இது உதவுகிறது என்று நம்பப்படுகிறது.
வால்நட்
மூளையை போல் காட்சியளிக்கும் இந்த நட்ஸ், உங்கள் மூளைக்கு மிகவும் நல்லதாகும். உங்கள் இதயம், மனநிலை, எலும்பு மற்றும் உடல் எடை குறைப்பிற்கு இது பல மாயங்களை நிகழ்த்தும் என்கிறார் பூஜா. தூக்கமின்மை, பித்தக்கற்கள், சர்க்கரை நோய் மற்றும் புற்று நோய் போன்றவைகளை எதிர்த்து போராடவும் இது உதவுகிறது.
தயிர்
நல்ல பாக்டீரியா என்றும் இருக்கத் தான் செய்கிறது. அது தயிரில் அளவுக்கு அதிகமாக உள்ளது. கூடுதலாக, அதில் முனைப்புடனான நுண்ணுயிர்கள் இருப்பதால், மலச்சிக்கல், வயிற்றுப்போக்கு, லாக்டோஸ் சகியாமை, குடல் புற்று நோய் மற்றும் குடல் பகுதி நோய்கள் போன்ற இரையக குடலிய பிரச்சனைகளுக்கு உதவிடும். மேலும் எலும்பு மெலிதல் நோயை தடுத்து இரத்தக்கொதிப்பை கட்டுப்படுத்தும்.
கிரீன் டீ
தினமும் இரண்டு கப் கிரீன் டீ பருகினால், உங்கள் சருமத்தில் பல மாயங்களை நிகழ்த்திடும். மேலும் நம் நோய் எதிர்ப்பு சக்தியின் ஆற்றலை அதிகரிக்கும். மேலும் புற்று நோய் இடர்பாட்டை குறைத்து, கீல்வாதம் வலியை ஆற்றி, கொலஸ்ட்ராலை கட்டுப்படுத்தி, இதய நோய்களை தடுத்து, நோய் எதிர்ப்பு அமைப்பை ஊக்குவித்து, உடல் எடையை குறைத்து, ஆரோக்கியமான பற்களை அளித்து, அலர்ஜி மற்றும் தொற்றுக்களை துரத்தி அடித்து பருக்களை குறைத்து தடுக்கவும் செய்யும்.
கீரை
ஊட்டச்சத்து நிறைந்துள்ள உணவான கீரையில், இரும்புச்சத்து மட்டுமல்லாமல், வைட்டமின்கள், கனிமங்கள் மற்றும் பைடோந்யூட்ரியன்ட்ஸ் போன்றவைகளும் அடங்கியுள்ளது. இது உங்கள் இதயத்தை பாதுகாத்து, இரையக குடலிய ஆரோக்கியத்தை மேம்படுத்தி, மூளையை இளமையாகவும் முனைப்புடனும் வைத்திருக்கும்.
ஓட்ஸ்
அதிக கொலஸ்ட்ரால் மற்றும் இதய நோய்களை எதிர்த்து போராடவும், இரத்தத்தில் உள்ள சர்க்கரை அளவு, இரத்தக்கொதிப்பு மற்றும் மலங்கழித்தலை சீராக வைத்திருக்கவும், புற்றுநோய் உண்டாகும் இடர்பாட்டை குறைக்கவும், உங்கள் உடல் எடையை கட்டுப்படுத்தவும் அதிக அளவிலான ஓட்ஸ் உண்ணுங்கள்.
ஆளி விதை
ஆளி விதையில் வளமையான அளவில் நார்ச்சத்து, ஒமேகா 3 உள்ளது. மேலும் இது ஒரு இயற்கை மலமிளக்கியாகும். மேலும் இது கெட்ட கொலஸ்ட்ராலை குறைத்தது, சர்க்கரை நோய்க்கு எதிராக பாதுகாப்பை அளிக்கும். அதற்கு காரணம் இது ஒரு இன்சுலின் எதிர்ப்பாற்றலாக செயல்படுவதே.
கோதுமை புல்
கோதுமை புல் என்பது பச்சை பசுமையான உணவாகும். இது உங்கள் ஈரலை சுத்தப்படுத்தி, ஹீமோக்லோபின் உற்பத்தியை ஊக்குவித்து, நோய் எதிர்ப்பு சக்தியை அதிகரித்து, புண்களை ஆற வைத்து, இரத்தத்தை சுத்தப்படுத்தி, செரிமானத்தை மேம்படுத்தும்.
சால்மன்
சால்மன் மீன்களில் ஒமேகா-3 கொழுப்பமிலங்கள் அளவுக்கு அதிகமாக உள்ளதால், இது மிகச்சிறந்த உணவாக விளங்கும். இது இதய நோய்களுக்கு போராடி, புற்று நோய் இடர்பாட்டை குறைத்து, மூட்டுகளை பாதுகாத்து, மனநிலை மற்றும் நினைவுறலை மேம்படுத்தி, வறண்ட கண்கள் போன்ற கண் பிரச்சனைகளையும் தீர்க்கும்.
தக்காளி
லைசோபீன் என்ற ஆன்டி-ஆக்சிடண்ட் இருப்பதால் தான் தக்காளி சிகப்பு நிறத்தில் ஜொலிக்கிறது. இது இயற்கையாகவே நம் உடலில் இருப்பதில்லை. அதனால் உணவுகளில் இருந்து தான் நம் உடலுக்கு இதனை எடுத்துக் கொள்ள வேண்டும். புற்று நோய் மற்றும் இதய நோய்களை தடுக்கவும் கொலஸ்ட்ரால் அளவை குறைக்கவும் இது உதவுகிறது.