தினமும் வெள்ளரிக்காய் ஜூஸ் குடித்தால் நீங்கள் என்றும் இளமையாக இருக்கலாம்.

By Hemalatha

| Updated: Tuesday, May 31, 2016, 17:57 [IST]

வெள்ளரிக்காய் என்றாலே பேருந்து நிலையங்களில், கூடையில் வெள்ளரிக்காய், மிளகாய் பொடியுடன் விற்கப்படும் காட்சி உங்கள் நினைவுக்கு வருகிறதா? நல்லது.

அது கோடை காலத்தில் தாகத்தை தணிப்பது போல், பல நன்மைகளை உடலுக்கு செய்கிறது. விட்டமின் சி அதிகம் உள்ளது. நீர்சத்தும் நிறைந்தது. ஆன்டி ஆக்ஸிடென்ட், பொட்டாசியம், கால்சியம் என நிறைய சத்துக்களை கொண்டிருக்கிறது.

Benefits of cucumber juice to keep you healthy

வெள்ளரிக்காய் தினமும் சாப்பிட்டால் நீங்கள் இளமையாக இருக்கலாம். வெள்ளரிக்காய் ஜூஸ் குடித்தால் உண்டாகும் பலன்களை பார்ப்போமா?

வெள்ளரிக்காய் ஜூஸின் நன்மைகள் :

வெள்ளரிக்காய் ஜூஸில் அதிக நார்சத்து உள்ளது. அது சிறுகுடலால் எளிதில் உறிஞ்சப்படுகிறது. ஜீரண உறுப்பில் உண்டாகும் நல்ல பாக்டீரியாக்களை பெருக்கச் செய்கிறது. இதனால் பசி நன்றாக எடுக்கும்.

கேன்சரை தடுக்கும் :

பெண்களுக்கு ஊண்டாகும், மார்பக, கருப்பை, மற்றும் ஒவேரியன் புற்று நோய்களை வர விடாமல் தடுக்கிறது.

சரும அழகிற்கு :

கூந்தல் சருமம் மற்றும் நகங்களின் அழகை அதிகமாக்குகிறது. தினமும் வெள்ளரிக்காய் ஜூஸ் குடித்தால்,ஒரு மாதத்தில் மேனி மெருகேறும். வேண்டுமென்றால் முயன்று பாருங்கள்.

கண்களின் கருவளையத்தை காணாமல் போகச் செய்யும். சருமத்தில் உள்ள நச்சுக்களை வெளியேற்றி விடும்.

அதேபோல், வெள்ளரிக்காயில் உள்ள சிலிகான் என்ற மினரல் உடலின் இணைப்புத் திசுக்களுக்கு போஷாக்கு அளிக்கும். இதனால் சருமம் பொலிவாக, சுருக்கங்கள் இல்லாமல் இருக்கும்.

நச்சுக்கள் அகற்ற :

நம் உடலிலுள்ள நச்சுக்கள் மற்றும் கொழுப்பு செல்களே பல பாதிப்புகளைத் தரும். தினமும் வெள்ளரிக்காய் ஜூஸினை குடித்து வந்தால், எளிதில் கழிவுகள் வெளியேறும். கொழுப்புகள் கரையும்.

வெள்ளரிக்காயுடன் எந்த வகையான காய் மற்றும் பழங்கள் சேர்த்து உணவில் எடுத்துக் கொள்ளலாம். அல்லது பழச் சாறாகவும் குடிக்கலாம்.

உடல் இளைக்க :

உடல் பருமனாக இருப்பவர்கள் வெள்ளரிக்காய் ஜூஸ் குடித்து வந்தால், உடல் இளைத்து விடும். இதில் அதிக நீர் சத்து இருக்கிறது.