விடுமுறை நாட்களில் அளவாக சாப்பிட்டு, உடலை சிக்கென்று வைத்துக் கொள்ள வேண்டுமா?

எடை மீது ஒரு கண்

உணவை கட்டுப்படுத்தும் வேளைகளில் விருந்திற்கு செல்வதை தவிர்கக வேண்டும். தேவையான அளவு சத்தான உணவை சாப்பிட்டு, அதிக அளவு உண்ணும் எண்ணத்தின் தூன்டுதலை தவிர்க்க வேண்டும். மனதை தயார் செய்து எந்த வகையில் சாப்பிட வேண்டும் என்று எண்ணி செயல்படுதல் ஆரோக்கியமான உணவையும் மற்றும் உடல் எடையை குறைக்கும் யுக்தியையும் காட்டும். அது மட்டுமல்லாமல் இச்செயல் உடல் எடையை குறைய வைத்து உங்களையும் மன அழுத்தத்திலிருந்தும் பாதுகாக்கும்.

கவனத்தை திசை திருப்புங்கள்

விடுமுறை காலம் என்பது உணவு மற்றும் மது என்றல்லாமல் உறவினர்களுடனும் நண்பர்களுடனும் ஒன்று சேர்ந்து இருப்பது தான். உங்களது உணவு கட்டுப்பாடு முறையை விலக்காமல் அனைவருடனும் மகிழ்ந்திருக்கலாம். ஒருவேளை அதிக அளவு கலோரி உணவை உண்ண நேரிட்டால் அந்நாளின் டயட்டை அதற்கேற்ப சரி செய்து கொள்ளுதல் எந்த பாதிப்பையும் ஏற்படுத்தாது.

சுறுசுறுப்பாக இருங்கள்

உடல் உழைப்பு மற்றும் உடற் பயிற்சி ஆகியவற்றைத் தவிர வேறு எந்த ஒரு செயலாலும் விடுமுறை நாட்களில் ஆரோக்கியமான வகையில் உடல் எடையை குறைக்க முடியாது. விடுமுறைகள் உங்களை பல வேலைகளில் ஈடுபடுத்தி நாள் முழுவதும் ஏதேனும் ஓரு வேலையில் பிசியாக இருந்தால் நலமாய் இருக்கும். ஜிம், உடற்பயிற்சி, யோகா ஆகிய வகுப்புகளுக்கு செல்ல நேரம் இல்லை என்றால் ஒரு சுறுசுறுப்பான நடை பயணத்தை மேற்கொள்ளுங்கள். இவ்வாறு செய்தால் உடலின் ஆரோக்கியம் மேம்படும். 15 முதல் 20 நிமிடங்கள் நடப்பது உங்களை கட்டுக்கோப்பாக வைக்க உதவும்.

தேர்ந்தெடுத்து சாப்பிடுதல்

அனைத்தையும் உண்டு உடல் ஆரோக்கியத்தை பாழ்படுத்தாதீர்கள். முன் யோசனை இல்லாமல் உப்பு மற்றும் சர்க்கரை அதிகம் உள்ள பொருட்களை உண்ண வேண்டாம். ஒரு விருந்திற்கு செல்லும் போது உங்கள் தட்டை நிரப்பும் முன் என்ன உணவை எடுக்க வேண்டும், எதை விட வேண்டும் என்பதை தேர்ந்தெடுங்கள். கொழுப்பு மிக்க உணவை தவிர்ப்பது நலம். சரியான உணவை தேர்ந்தெடுத்து சாப்பிடுவது எடையை குறைக்க சரியான வழியாகும். சிறிய தட்டை எடுத்து கொஞ்சம் கொஞ்சமாக சாப்பிடுங்கள். இயற்கை காய்கறிகள் மற்றும் பழங்களே இந்நாட்களில் சாப்பிட வேண்டிய சிறந்த உணவுகளாகும்.

தட்டில் உள்ள அனைத்தையும் சாப்பிட வேண்டாம்

தட்டில் உள்ள அனைத்தையும் சாப்பிட வேண்டாம் உணவை கொடுத்தவரை மதிக்கும் வண்ணம் தட்டில் உள்ளவற்றை மேல்படியாக சாப்பிட்டு பறிமாறியவரை மகிழ்விப்பது சிறந்தது. உங்களது எடையை கருத்தில் கொண்டு, நீங்கள் எடுக்கும் முடிவு இது. அனைத்தையும் உண்டு விருந்து கொடுத்தவறை மகிழ்விக்க வேண்டும் என்ற அவசியம் இல்லை.

இல்லை என்று திட்டவட்டமாக சொல்லுங்கள்

வேண்டாம் என்று நாசூக்காகவும் மற்றும் மிக அழுத்தமாகவும் சொல்லுங்கள். விருந்திற்கு நன்றி செல்லுங்கள் ஆனால் நிச்சயம் உணவை வேண்டாம் என்றும் உங்கள் வயிறு நிரம்பியுள்ளது, மீண்டும் சாப்பிடச் சொல்லி கேட்டதற்கு நன்றி என்றும் கனிவுடன், திட்டவட்டமாக கூறுங்கள்.

மன ரீதியாக நம்பிக்கையூட்டுதல்

குறைத்து உண்பது அல்லது தேவைக்கேற்ப உண்பதன் மூலம் நமக்கு சாப்பிடும் ஆசை குறையும். கண்டிப்பான உணவு கட்டுப்பாட்டை பின்பற்றி வந்தால் சாப்பிடத் தூண்டும் தூண்டுதல்கள் குறையும். உங்களது நண்பர்களின் ஊக்கமும் நம்பிக்கையும் உங்களுக்கும் பலனளிக்கும். உங்களுக்கு வெறுப்பாக உள்ள போதும், தன்னம்பிக்கை குறையும் போதும் அவர்கள் துணை நிற்பார்கள். எடை கூடுவதை தவிர்க்க விழிப்புடனும், வைராக்கியத்துடனும் இருக்க வேண்டியதும் அவசியமாகும்.

மது பானங்களை தவிர்த்தல்

எந்த ஒரு செயற்கையான பானமாக இருந்தாலும் அது வயிறை உப்பச் செய்யும் திறன் கொண்டதாகவே இருக்கும். அதில் கார்பன்-டை-ஆக்சைடு இருப்பதால் இத்தகைய பானங்களில் காற்று அதிகமாகி நமக்கு வாய்வு தொல்லையை உண்டாக்குகிறது.

விடுமுறை உணவு கட்டுப்பாடு முறைகளை கடைப்பிடிப்பதால் உணவை அதிகம் உட்கொள்ள வேண்டும் என்ற வேட்கை குறைந்து, அந்நாட்களில் உடல் எடை கூடுவதை தவிர்க்க முடியும். மேலே குறிப்பிட்ட முறைகளை செயல்படுத்தி உடலை சிக் கென வைத்துக் கொள்ளுங்கள்.