Click it and Unblock the Notifications
Just In
-
-
-
-
Don't Miss
-
ஓரே நாளில் 4.2 கோடி சம்பாதித்த நாராயணமூர்த்தி-யின் 5 மாத பேரன்.. எப்படி..? -
4 மணி வரை உக்கிரமா இருப்பேன்! சுட்டெரிக்கும் வெயில்..வயதானவர்களுக்கு வார்னிங்! எப்போது வாக்களிப்பது? -
பலாப்பழம் ஏன் இருட்டா இருக்கு.. வாக்குச்சாவடியில் மன்சூர் அலிகான் வாக்குவாதம்! -
இப்படியொரு புரொஜெக்டர் யாரும் பார்த்ததில்லை.. 32GB மெமரி.. 1080P ரெசல்யூஷன்.. எந்த மாடல்? என்ன விலை? -
ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு! -
சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்! -
"மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு -
பிளஸ்-2 படித்திருந்தால் போதும்...மத்தியஅரசு வேலை தயார்..!!
டயட்-ல இருக்கும் போது நட்ஸையும் சேர்த்துக்கோங்க...
தற்போதைய காலத்தில் உடல் எடை அதிகமாக உள்ளதால், டயட்டில் இருப்போர்களின் எண்ணிக்கை அதிக அளவில் உள்ளது. ஏனெனில் இன்றைய காலத்தில் ஓடியாடி வேலை செய்பவர்களின் எண்ணிக்கை மிகவும் குறைவாக உள்ளது. எப்போது பார்த்தாலும் கம்ப்யூட்டரின் முன்னாடி உட்கார்ந்து, ஸ்நாக்ஸ் சாப்பிடுபவர்களின் எண்ணிக்கை தான் அதிகம். இவ்வாறு உட்கார்ந்தே அனைத்து வேலைகளையும் செய்வதால், உடல் எதற்கும் வளையாமல், அனைத்து நோய்களும் அழையா விருந்தாளி போல வந்து உடலில தங்கிவிடுகின்றன.
மேலும் அவ்வாறு டயட் மேற்கொள்ளும் போது உண்ணும் உணவிலாவது ஊட்டச்சத்துக்கள் நிறைந்திருப்பதை சாப்பிடுகிறோமா என்று பார்த்தால், அதுவும் இல்லை. டயட் என்ற பெயரில், நிறைய ஆரோக்கியமற்ற உணவுகளைத் தான் அதிகம் சாப்பிடுகிறோம். ஆகவே உடல் எடையை குறைப்பதற்கு எடுக்கும் முயற்சிகளில், காய்கறிகள் மற்றும் பழங்களோடு, ஒரு சில உடலுக்கு ஆரோக்கியத்தை தரும் நட்ஸ்களையும் டயட்டில் சேர்த்துக் கொண்டால், உடல் ஆரோக்கியமாக இருப்பதோடு, எந்த ஒரு நோயும் வராமல் தடுக்கலாம்.
இப்போது அவ்வாறு உடலுக்கு ஆரோக்கியத்தை தரும் நட்ஸ்களில் ஒரு 5 நட்ஸ்களின் பயன்களைப் பார்த்து, அவற்றையும் டயட்டில் சேர்க்கலாமா!!
வால்நட்
வால்நட்டை அதிக அளவில் சாப்பிட்டால், உடல் நன்கு ஆரோக்கியமாக இருக்கும் என்று நிறைய ஆய்வுகளில் கண்டுபிடிக்கப்பட்டுள்ளன. ஏனெனில் இதில் உள்ள ஒமேகா-3 கேட்டி ஆசிட், புரோட்டீன் மற்றும் நார்ச்சத்து, இதயத்தை ஆரோக்கியமாக வைக்கும். அதிலும் இதனை பெண்கள் மாதவிடாயின் போது சாப்பிட்டால், அந்த நேரத்தில் மாதவிடாயினால் மனநிலை சற்று சோர்ந்திருப்பது சரியாகிவிடும்.
முந்திரி
முந்திரிப்பருப்பில் அதிக அளவில் இரும்புச்சத்து மற்றும் ஜிங்க் உள்ளது. இது மூளையின் சக்தியை அதிகரிக்கும். எப்படியெனில் இதில் உள்ள இரும்புச்சத்து மூளைக்கு இரத்தத்தை சீராக செலுத்தும். அதுமட்டுமல்லாமல், முந்திரி இரத்த சம்பந்தமான நோயை சரிசெய்யும்.
பிரேசில் நட்ஸ்
தொடர்ந்து புகைபிடிப்பவர்களுக்கு விரைவில் புற்றுநோய் வரும். ஆகவே அத்தகையவர்கள் பிரேசில் நட்ஸை சாப்பிட்டடு வந்தால், அதில் உள்ள செலீனியம் புற்றுநோய் உண்டாக்கும் செல்களை எதிர்த்து போராடி, அவற்றை உடலில் வராமல் தடுக்கும். முக்கியமாக புரோடெஸ்.ட புற்றுநோயை வராமல் தடுக்கும்.
பாதாம்
எப்போதுமே இளமையுடன் காட்சியளிக்க வேண்டும் என்று இருப்பவர்கள், பாதாமை சாப்பிட்டால் இளமையுடன் காட்சியளிக்கலாம். ஏனெனல் பாதாமில் வைட்டமின் ஈ அதிகமாக உள்ளது. மேலும் இதில் நார்ச்சத்து அதிகம் இருப்பதால், இதனை டயட்டில் சேர்த்தால், குடலியக்கம் நன்கு செயல்பட்டு, மலச்சிக்கல் ஏற்படாமல் இருக்கும்.
ஹேசில் நட்ஸ்
நீரிழிவு நோயாளிகளுக்கு சிறந்த நட்ஸ் என்றால் அது ஹேசில் நட்ஸ் தான். இதன் நறுமணம் காபி போன்ற இருப்பதோடு, நிறைய பலன்களையும் உள்ளடக்கியுள்ளது. ஏனெனில் இதில் உள்ள அதிகமான ஆன்டி-ஆக்ஸிடன்ட்கள் மற்றும் இதர ஊட்டச்சத்துக்கள் நீரிழிவு, மாரடைப்பு, தசைபிடிப்பு போன்றவற்றை சரிசெய்யும் தன்மையுடையது.
